Enter your Email Address to subscribe to our newsletters
भुवनेश्वरम्, 08 सितंबरमासः (हि.स.)।
विश्वभौतिकचिकित्सादिवसस्य अवसरे मङ्गलवासरे विधिमन्त्री पृथ्वीराजहरिचन्दनः भुवनेश्वरे आयोजितां मार्गसुरक्षाजागरूकतापदयात्रां हरितध्वजं प्रदर्श्य प्रस्थापितवान्। फॉरेस्टपार्कस्य सम्मुखे आयोजिते कार्यक्रमे मन्त्री मशालं प्रज्वाल्य पदयात्रायाः शुभारम्भम् अकरोत्।
इण्डियन एसोसिएशन ऑफ फिजियोथेरेपी इत्यस्य उत्कलशाखायाः, इण्डियन एसोसिएशन ऑफ फिजियोथेरेपी इत्यस्य महिलाप्रकोष्ठस्य तथा एसओए विश्वविद्यालयस्य संयुक्ततत्त्वावधाने अयं कार्यक्रमः आयोजितः।
अस्मिन् अवसरे मन्त्री हरिचन्दनः अवदत् यत् मार्गसुरक्षा केवलं यातायातनियमानां पालनपर्यन्तं सीमितः विषयः नास्ति, अपि तु प्रत्येकस्य व्यक्तेः जीवनस्य सुरक्षया सम्बद्धा सामूहिकी दायित्वभावना अस्ति। सः अवदत् यत् सुरक्षितमार्गाणां जागरूकसमाजस्य च निर्माणाय सर्वैः जनैः यातायातनियमानां पालनं करणीयम्, तत्सह अन्येषामपि जनानां विषये जागरूकता वर्धनीया।
सः मार्गदुर्घटनानां न्यूनीकरणाय नागरिकेभ्यः उत्तरदायित्वपूर्णं यातायातव्यवहारम् अङ्गीकर्तुं तथा मार्गसुरक्षायाः विषये निरन्तरं जागरूकतां प्रसारयितुं च आह्वानम् अकरोत्।
कार्यक्रमे इण्डियन एसोसिएशन ऑफ फिजियोथेरेपी इत्यस्य उत्कलशाखायाः अध्यक्षा तथा एसयूएम चिकित्सालयस्य भौतिकचिकित्साविभागस्य प्रमुखा डॉ. स्थितिप्रज्ञा दलबेहरा इत्यनया सह अनेकाः भौतिकचिकित्सकाः छात्राः छात्राश्च उपस्थिताः आसन्।
पदयात्रायाः माध्यमेन प्रतिभागिभिः मार्गसुरक्षायाः, यातायातनियमानां पालनस्य तथा सुरक्षितपरिवहनव्यवस्थायाः विषये जनानां मध्ये जागरूकता प्रसारिता।
---------------
Hindusthan Samachar / Dheeraj Maithani