गोरखपुरम्, 08 सितंबरमासः (हि.स.)।सेवार्थविद्यार्थी-गोरक्षप्रान्तस्य तथा सङ्गम-नेत्र-चिकित्सालयस्य संयुक्ततत्त्वावधाने गुरुवासरे दीनदयाल-उपाध्याय-गोरखपुर-विश्वविद्यालये निःशुल्कनेत्रपरीक्षणशिबिरस्य आयोजनं कृतम्। कार्यक्रमस्य उद्घाटनं इण्डियन-मेडिकल-एसोसिएशन-गोरखपुरस्य सचिवेन तथा नेत्ररोगविशेषज्ञेन डॉ. वाई.सिंहेन, सेवार्थविद्यार्थिनः डॉ. बीना-कुशवाहया, गोरक्षप्रान्तस्य संयोजकेन आकाशसिंहेन तथा अखिलभारतीयविद्यार्थिपरिषदः गोरखपुरमहानगरस्य अध्यक्षेन डॉ. विवेकशाहिना संयुक्तरूपेण कृतम्।

सेवार्थविद्यार्थिना आयोजिते शिबिरे विश्वविद्यालयस्य त्रिशताधिकानां विद्यार्थिनां, शिक्षकाणां तथा अन्येषां सदस्याणां नेत्रपरीक्षणं कृतम्। विशेषज्ञचिकित्सकैः प्रतिभागिनां नेत्रयोः विस्तृतं परीक्षणं कृत्वा दृष्टिसम्बद्धानां समस्यानाṃ परिचयः प्राप्तः तथा आवश्यकं चिकित्सकीयपरामर्शः सुझावाश्च प्रदत्ताः। अस्मिन् अवसरे विद्यार्थिभ्यः नेत्रयोः नियमितपरीक्षणस्य, समुचितपरिचर्यायाः तथा नेत्रस्वास्थ्यस्य विषये जागरूकता प्रदाय स्वस्थदृष्टेः महत्त्वस्य विषये अपि जानकारी प्रदत्ता।

कार्यक्रमे मुख्यातिथिरूपेण उपस्थितेन इण्डियन-मेडिकल-एसोसिएशन-गोरखपुरस्य सचिवेन तथा नेत्ररोगविशेषज्ञेन डॉ. वाई.सिंहेन उक्तं यत् सेवार्थविद्यार्थिना विद्यार्थिनां मध्ये एतादृशस्य नेत्रपरीक्षणशिबिरस्य आयोजनम् अत्यन्तं प्रशंसनीयं प्रयत्नम् अस्ति। अद्य बहवः विद्यार्थिनः अन्तर्जालमाध्यमेन शिक्षां गृह्णन्ति तथा दीर्घकालं यावत् चलदूरवाणी, अङ्कीयसङ्गणकयन्त्रं अन्यानि च अङ्कीयोपकरणानि उपयुञ्जते, येन तेषां नेत्रस्वास्थ्यस्य प्रतिकूलः प्रभावः भवितुं शक्नोति। अतः समये-समये नेत्रपरीक्षणं नेत्रयोः समुचितपरिचर्यायाः विषये जागरूकता च अत्यन्तम् आवश्यकम् अस्ति। सः विद्यार्थिभ्यः पटलसमयस्य नियन्त्रणं कर्तुं, समुचितं दूरत्वं स्थापयितुं तथा नियमितरूपेण नेत्रपरीक्षणं कारयितुं च आह्वानं कृतवान्।

सेवार्थविद्यार्थी-गोरक्षप्रान्तस्य संयोजकः आकाशसिंहः अवदत् यत् “नरसेवा नारायणसेवा” अस्माकं कृते केवलम् एकः विचारः नास्ति, अपितु सेवाकार्याणां ध्येयवाक्यमपि अस्ति। एतस्याः भावनायाः प्रेरणया वयं विद्यार्थिनां मध्ये सेवायाः स्वास्थ्यजागरूकतायाश्च सम्बन्धितानां विविधकार्यक्रमाणां निरन्तरम् आयोजनं कुर्मः। अस्माकं उद्देश्यं समाजस्य प्रत्येकं वर्गं प्रति सेवाभावस्य प्रसारणं तथा आवश्यकताग्रस्तानां जनानां जीवने सकारात्मकपरिवर्तनं कर्तुम् अस्ति। नेत्रपरीक्षणशिबिरमपि अस्य सेवाभावस्य एकः भागः अस्ति, येन विद्यार्थिनां स्वास्थ्यस्य प्रति जागरूकतां जनयितुं तेषां कृते आवश्यकां चिकित्सकीयसुविधां प्रदातुं च प्रयासः कृतः।

अस्मिन् अवसरे अभाविपः राष्ट्रियकार्यकारिणीसदस्या सम्पदाद्विवेदी, गोरखपुरविश्वविद्यालयस्य इकाई-अध्यक्षः विभांशुसिंहः, अरविन्दः, अनुरागमिश्रः, विपुलसिंहः इत्यादयः अन्ये कार्यकर्तारः उपस्थिताः आसन्।

Hindusthan Samachar / Dheeraj Maithani