प्रयागराजः, ०८ सेप्टेम्बरमासः (हि.स.)। मुख्यमन्त्रिणः अभ्युदययोजनायाः अन्तर्गतं प्रतियोगिपरीक्षाणां सज्जतां कुर्वद्भ्यः विद्यार्थिभ्यः राज्यसर्वकारेण निःशुल्क-प्रशिक्षणस्य सुविधा प्रदीयते। तदर्थम् इच्छुकाः अभ्यर्थिनः २० सितम्बरपर्यन्तम् आवेदनानि समर्पयितुं शक्नुवन्ति। इयं सूचना मङ्गलवासरे जनपदसमाज-कल्याणाधिकारी रामशङ्करपटेलेन प्रदत्ता।

तेन उक्तं यत् के.पी. इण्टरमीडिएट-महाविद्यालये, मेडिकल्-चतुष्पथस्य समीपे सञ्चाल्यमाने केन्द्रे सङ्घलोक-सेवायोगस्य, उत्तरप्रदेशलोकसेवायोगस्य, संयुक्तप्रवेशपरीक्षायाः, राष्ट्रियपात्रता-सहप्रवेशपरीक्षायाः, कर्मचारीचयनायोगस्य तथा उत्तरप्रदेशसुबोर्डिनेट्-सर्विसेस-सेलेक्शन-कमिशन इत्यस्य परीक्षाणां सज्जतायै निःशुल्कप्रशिक्षणकक्षाः सञ्चालयिष्यन्ते। इच्छुकाः अभ्यर्थिनः प्रत्येकस्मिन् कार्यदिवसे अपराह्णे द्विवादनात् सायं पञ्चवादनपर्यन्तं प्रयागराजस्थात् के.पी. इण्टर्-कॉलेज इत्यस्मात् आवेदनपत्रं प्राप्तुं शक्नुवन्ति। आवेदनेन सह सम्बन्धितानां शैक्षिका-भिलेखानां आधारपत्रस्य च स्वप्रमाणित-प्रतिलिपयः समर्पणीयाः भविष्यन्ति।

यूपीएससी तथा यूपीपीएससी-परीक्षयोः अभ्यर्थिभिः उच्चतरमाध्यमिकपरीक्षायाः, अन्तर्माध्यमिकपरीक्षायाः स्नातक-परीक्षायाश्च शैक्षिकाभिलेखाः समर्पणीयाः भविष्यन्ति। जेईई, नीट तथा एसएससी-परीक्षाणां कृते उच्चतरमाध्यमिकपरीक्षायाः अन्तर्माध्यमिकपरीक्षायाश्च अभिलेखाः आवश्यकाः भविष्यन्ति।

रामशङ्करपटेलेन उक्तं यत् मुख्यमन्त्रिणः अभ्युदययोजनायाः उद्देश्यं आर्थिकरूपेण दुर्बलेभ्यः तथा प्रतियोगिपरीक्षाणां सज्जतां कुर्वद्भ्यः विद्यार्थिभ्यः गुणवत्तापूर्णं मार्गदर्शनं प्रदातुम् अस्ति। इच्छुकाः अभ्यर्थिनः अन्तिमतिथेः प्रतीक्षां विना समये एव आवेदनानि समर्प्य अस्याः निःशुल्कप्रशिक्षणसुविधायाः लाभं गृह्णीयुः। तेन उक्तं यत् योजनासम्बन्धिनी अधिका सूचना प्राप्तुं दूरभाषसङ्ख्ययोः ०६३९२४८५७२२ तथा ०८६८७८५५१३१ सम्पर्कं कर्तुं शक्यते।

Hindusthan Samachar / Divya Ranjan