लखनऊ, 08 सितंबरमासः (हि.स.)।

योगीसर्वकारः ग्रामीणक्षेत्रेषु उत्तमपेयजलापूर्त्या सह जनानां सुगमायातायातसुविधां प्रदातुं विशेषं बलं ददाति। अस्यैव क्रमे जलशक्तिमन्त्री स्वतन्त्रदेवसिंहः वर्षाकालस्य अनन्तरम् अक्तूबरमासात् सम्पूर्णप्रदेशस्य ग्रामीणक्षेत्रेषु बृहत्प्रमाणेन मार्गाणां मरम्मतायाः अभियानं सञ्चालयितुं निर्देशं दत्तवान्। तेन अधिकारिभ्यः अभियानसम्बद्धाः सर्वाः सज्जताः समये एव पूर्णाः कर्तुं निर्दिष्टाः, येन पेयजलयोजनानां कृते खनिताः मार्गाः शीघ्रं पुनः दुरुस्ताः कर्तुं शक्येरन् तथा ग्रामीणजनाः राहतिं प्राप्नुयुः।

जलशक्तिमन्त्रिणा राज्यपेयजलस्वच्छतामिशनकार्यालये दूरदृश्यसंवादमाध्यमेन विभिन्नानां पेयजलयोजनानां मण्डलवारं समीक्षणं कृतम्। तेन उक्तं यत् ग्रामीणक्षेत्रेषु जलापूर्तये नलिकाः स्थापयितुं प्रवर्तमानकाले अनेकस्थलेषु मार्गाः खनिताः सन्ति। वर्षाकाले वृष्टेः कारणेन एतेषु मार्गेषु जनानां आवागमने कठिनतायाः सामना करणीयः भवति।

तेन अधिकारिभ्यः निर्देशः दत्तः यत् अक्तूबरमासात् अभियानं सञ्चाल्य एते मार्गाः पुनः पूरयित्वा, समतलीकृत्य च दुरुस्ताः क्रियन्ताम्। अनेन ग्रामीणक्षेत्रेषु पेयजलयोजनानां कार्यं पूर्णं भविष्यति तथा जनानां कृते उत्तममार्गसुविधा अपि प्राप्स्यते।

पेयजलयोजनाः समये पूर्णाः कर्तुं निर्देशः

निर्मीयमाणानां पेयजलयोजनानां समीक्षणं कुर्वन् स्वतन्त्रदेवसिंहः सर्वाः परियोजनाः निर्धारितसमये शीघ्रं पूर्णाः कर्तुं निर्देशं दत्तवान्। तेन उक्तं यत् योजनाः समयबद्धरूपेण पूर्णाः कर्तुं आवश्यकतानुसारं मानवशक्तेः वृद्धिः क्रियताम्। तेन स्पष्टं कृतं यत् कार्येषु कस्मिन्नपि स्तरे प्रमादः न सहिष्यते।

जलप्रबन्धने विशेषं ध्यानम्

जलशक्तिमन्त्रिणा अधिकारिभ्यः जलप्रबन्धने विशेषं ध्यानं दातुं निर्देशः दत्तः। तेन उक्तं यत् पेयजलयोजनानां सञ्चालनं जलापूर्तिव्यवस्थां च प्रभावीरूपेण निर्वाहयितुं अधिकारिभिः नियमितरूपेण निरीक्षणं करणीयम्। अनेन ग्रामीणक्षेत्रेषु निर्मीयमाणानां पेयजलयोजनानां सम्यक् सञ्चालनं सुनिश्चितं भविष्यति तथा जनानां कृते निरन्तरं पेयजलसुविधा उपलब्धा भविष्यति।

---------------

Hindusthan Samachar / Dheeraj Maithani