Enter your Email Address to subscribe to our newsletters
कोकराझारम् (असमः), ०९ सेप्टेम्बरमासः (हि.स.)। सम्पूर्णराज्येन सह कोकराझार-जनपदस्य फकीराग्रामेऽपि भारतरत्न-डॉ. भूपेनहजारिकस्य जयन्ती श्रद्धया सांस्कृतिककार्यक्रमैश्च सह आचरिता। फकीराग्रामस्थे शहीदवेदी-परिसरे सोमवासरे विलम्बितसायंकाले फकीरा-ग्राम-स्वर्णशाखा-साहित्यसभायाः तथा फकीराग्राम-कला-संस्कृतिविकास-मञ्चस्य संयुक्त-तत्त्वावधाने, भारतरत्न-डॉ. भूपेनहजारिका-जन्मशताब्दी-समारोहसमितेः आतिथ्ये च कार्यक्रमः आयोजितः।
कार्यक्रमस्य शुभारम्भः कोकराझार-जनपदसाहित्यसभायाः पूर्वाध्यक्षेण खनिनचन्द्ररायेण तथा फकीराग्राम-स्वर्णशाखा-साहित्यसभायाः अध्यक्षेन पीयूषचौधरिणा दीपप्रज्वालनेन कृतः। ततः कोकराझार-जिलासाहित्यसभायाः पूर्वसचिवेन कृष्णचन्द्रनाथेन तथा फकीराग्राम-कला-संस्कृति-विकासमञ्चस्य पूर्वाध्यक्षेण सचिवेन च ध्रुवकुमारमेधिना डॉ. भूपेनहजारिकस्य चित्रे माल्यार्पणं कृत्वा श्रद्धाञ्जलिः समर्पिता।
श्रद्धाञ्जलि-कार्यक्रमे जन्मशताब्दी-समारोहसमित्याः सचिवः कनकसूत्रधारः, फकीराग्राम-महाविद्यालयस्य सहाचार्यः डॉ. आदित्यचन्द्रडेका, डॉ. अनवारुलइस्लामः तथा फकीराग्राम-बालिकामध्य-अङ्ग्रेजी-विद्यालयस्य पूर्वप्रधानाचार्या अनिमादेवी च भागं गृहीत्वा सुधाकण्ठ-डॉ. भूपेनहजारिकायै श्रद्धाञ्जलिं समर्पितवन्तः।
अस्मिन् अवसरे फकीराग्राम-आञ्चलिक-छात्रसङ्घस्य महासचिवः दिपुनजीत-नारायणदेवः तथा फकीराग्राम-महाविद्यालयस्य सहायकाचार्यः डॉ. मनोरञ्जनरायः शहीदवेधौ दीपं प्रज्वालितवन्तौ। कार्यक्रमे छावामारी-पारिजात-नामदलेन नामकीर्तनमपि प्रस्तुतम्।
कार्यक्रमे फकीराग्राम-स्वर्णशाखा-साहित्यसभायाः, फकीराग्राम-कला-संस्कृतिविकासमञ्चस्य तथा जन्म-शताब्दी-समारोहसमित्याः पदाधिकारिणः सदस्याश्च उपस्थिताः आसन्। वक्तारः डॉ. भूपेनहजारिकस्य सङ्गीतस्य, मानवतावादीविचाराणां सामाजिकैकतायाः च सन्देशं नववंशं प्रति प्रसारयितुं आवश्यकता अस्ति इति बलं दत्तवन्तः।
Hindusthan Samachar / Divya Ranjan