जयपुरम्, 09 सितंबरमासः (हि.स.)।

निकायनिर्वाचनस्य द्वितीयचरणस्य प्रचारस्य अन्तिमदिने मुख्यमन्त्री भजनलालशर्मा जयपुरे रोड शो इति कार्यक्रमं कृत्वा भाजपायाः पक्षे मतदानाय जनानाम् आह्वानं कृतवान्। साङ्गानेरीद्वारस्थितहनुमानमन्दिरात् प्रारब्धः रोड शो त्रिपोलियाद्वारपर्यन्तं गतवान्। अस्मिन् समये मुख्यमन्त्री काङ्ग्रेसदलस्य पूर्वमुख्यमन्त्री अशोकगहलोतस्य च आलोचनां कुर्वन् भाजपासर्वकारस्य सार्धद्विवर्षीयकार्यकालस्य उपलब्धीनां गणनां कृतवान्।

मुख्यमन्त्री अवदत् यत् भाजपासर्वकारेण प्रदेशे विकासस्य गतिः तीव्रा कृता अस्ति। सः दावां कृतवान् यत् पूर्वसर्वकारस्य पञ्चवर्षीयकार्यकाले प्रायः ३९०० मेगावाट् विद्युतुत्पादनस्य वृद्धिः अभवत्, यदा तु भाजपासर्वकारेण सार्धद्विवर्षे एव १२ सहस्रमेगावाट् विद्युतुत्पादनं कृतम्। राजस्थानम् अधुना विद्युत्-ग्रहणकर्ता न, अपितु विद्युत्-प्रदाता राज्यं भवति।

जलसम्बद्धे विषये मुख्यमन्त्री यमुनाजलसम्झौतेन सह विभिन्नानां बृहद्-जलपरियोजनानां उल्लेखं कुर्वन् अवदत् यत् क्षेत्रेषु नगरेषु च जलं प्रापयितुं सर्वकारेण प्राथमिकता प्रदत्ता अस्ति। विधिव्यवस्थायाः विषये सः अवदत् यत् लव्-जिहादस्य धर्मान्तरणस्य च समस्यायाः निवारणाय सर्वकारेण पदक्षेपाः गृहीताः सन्ति। जनान् पीडयतां विरुद्धं कार्यवाही भविष्यति, अतः जनानां भयभीताः भवितुं आवश्यकता नास्ति।

रोजगारस्य नियुक्तीनां च उल्लेखः

भजनलालशर्मा अवदत् यत् सर्वकारेण अधुना पर्यन्तं एकलक्षपञ्चाशीतिसहस्राधिकानि नियुक्तिपत्राणि प्रदत्तानि सन्ति। एकलक्षद्वाविंशतिसहस्राणां नियुक्तीनां प्रक्रिया पूर्णा अभवत्, यदा तु प्रायः सप्ततिसहस्रपदानां रिक्तस्थानानि प्रकाशितानि सन्ति। सः दावां कृतवान् यत् वर्तमानसर्वकारस्य कार्यकाले भर्तीपरीक्षासु पारदर्शिता सुनिश्चिताकृता अस्ति तथा काङ्ग्रेससर्वकारस्य समये अभवतां अनियमिततानां विषये अपि आलोचना कृता।

मेट्रो-विकासयोजनासु काङ्ग्रेसस्य आलोचना

मुख्यमन्त्री अवदत् यत् काङ्ग्रेससर्वकारस्य समये विकासयोजनानां विलम्बनस्य अवरोधनस्य च कार्यं कृतम्, यदा तु भाजपासर्वकारः योजनाः धरातले कार्यान्वयति। सः अवदत् यत् पूर्वसर्वकारस्य पञ्चवर्षीयकाले प्रायः पञ्चकिलोमीटर्-मेट्रोमार्गस्य कार्यम् अभवत्, यदा तु वर्तमानसर्वकारस्य कार्यकाले प्रायः पञ्चचत्वारिंशत्किलोमीटर्-मेट्रोमार्गस्य शिलान्यासः कृतः अस्ति।

प्रधानमन्त्रिणः नरेन्द्रमोदिनः नेतृत्वे देशस्य विकासस्य उल्लेखं कुर्वन् मुख्यमन्त्री अवदत् यत् भारतं वैश्विकस्तरे निरन्तरं सुदृढं भवति। सः अवदत्— “देशे मोदी अस्ति चेत् सम्भवम् अस्ति।” मुख्यमन्त्री निकायनिर्वाचने जातिगतसमीकरणेभ्यः उपरि उत्थाय विकासस्य नाम्ना मतदानं कर्तुं जनानाम् आह्वानं कृतवान्।

त्रि-इञ्जिन-सर्वकारस्य निर्माणाय आह्वानम्

मुख्यमन्त्री अवदत् यत् केन्द्रे राज्ये च भाजपायाः द्वि-इञ्जिन-सर्वकारः अस्ति, अधुना निकायेषु भाजपायाः मण्डलं निर्माय त्रि-इञ्जिन-सर्वकारः निर्मातव्यः। निकायाः पंचायताश्च सुदृढाः भविष्यन्ति चेत् विकासस्य गतिः अधिकं तीव्रा भविष्यति। सः मतदातॄन् गृहात् बहिः आगत्य मतदानं कर्तुं तथा “विकसितराजस्थानम्, विकसितभारतं, विकसितजयपुरम्” इत्येतयोः कृते भाजपायाः समर्थनं कर्तुम् आहूतवान्।

रोड शो इत्यस्मिन् भाजपायाः प्रदेशाध्यक्षः मदनराठौडः, राष्ट्रियमहासचिवः तथा निकायनिर्वाचनस्य प्रभारी हरीशद्विवेदी, सांसद् मञ्जुशर्मा, विधायकः बालमुकुन्दाचार्यः, प्रदेशमहासचिवः श्रवणसिंहबगडी इत्यादयः दलस्य विधायकाः पदाधिकारिणश्च उपस्थिताः आसन्। मदनराठौडः अवदत् यत् राजस्थानस्य विकासं कर्तुं त्रि-इञ्जिन-सर्वकारः आवश्यकः अस्ति। सः दावां कृतवान् यत् सर्वेषु नगरनिकायेषु भाजपायाः मण्डलानि निर्मीयन्ते।

---------------

Hindusthan Samachar / Dheeraj Maithani