Enter your Email Address to subscribe to our newsletters
सवाई माधोपुरम्, 1 दिसंबरमासः (हि.स.)।
रणथम्भौर व्याघ्रआरक्षणात् वन्यजीवप्रेमिभ्यः महती शुभवार्ता प्राप्ता। व्याघ्री टी २३०७ स्वैः त्रिभिः शावकैः सह कैमरा ट्रैप् इति यन्त्रे बद्धा दृश्यता। कतिपयदिनपूर्वं गश्तिकाले वनकर्मचर्यः व्याघ्रीं शावकैः सह दृष्टवन्तः आसन्, किन्तु चित्राणां अभावे पुष्टिर्नाभूत्। अधुना तस्याः कैमरा ट्रैप् चित्राणि स्पष्टं सूचयन्ति यत् व्याघ्र्याः त्रयः शावकाः जाताः। एतां सूचनां वनमन्त्री संजय शर्मा अपि सामाजिकमाध्यमेषु प्रकाशितवान्।
वनविभागस्य अनुसारं शावकानां वयः प्रायः द्विसप्ततिऽर्धादारभ्य त्रिमासपर्यन्तं विद्यते। व्याघ्री सामान्यतः प्रारम्भस्य द्विमासपर्यन्तं शावकान् गूढं रक्षति, अत एव अद्यैव तेषां चित्राणि प्राप्तानि। व्याघ्री टी २३०७ अधुना कुंडेरा रेंज इत्यस्य अपर्यटनक्षेत्रे सक्रियास्ति, यत्र सा शावकानां पालनपोषणं करोति।
टी २३०७ इत्यस्याः वयः प्रायः चतुर्वर्षपर्यन्तं भवति, सा च रणथम्भोर्याः प्रसिद्धव्याघ्रस्य टी १२१ इत्यस्य तथा व्याघ्र्याः टी १११ इत्यस्य पुत्री। एतत् अस्याः प्रथमं लिटर्, अर्थात् प्रथमतः मातृत्वम्। अधुना तस्याः क्षेत्रं बावडी तिराहा बैरदा लाहपुर सेल क्षेत्रपर्यन्तं विस्तृतम्।
व्याघ्र्याः प्रथमं मातृत्वे प्राप्ते वनविभागेन तस्याः सुरक्षायाः विषये विशेषसावधानता आरब्धा। गश्तदलेभ्यः नियमितमॉनिटरिंग् तथा संवेदनशीलप्रदेशेषु अतिरिक्तसतर्कता पालनस्य आदेशाः दत्ताः, यत् व्याघ्रपरिवारस्य सर्वथा सुरक्षा सुनिश्चितुं शक्येत।
---------------
हिन्दुस्थान समाचार