लखनऊनगरम्, 15 दिसम्बरमासः (हि.स.)। उत्तरप्रदेश-राज्यस्य सर्वकारः कला–संस्कृत्योः संवर्धनाय निरन्तरं प्रयत्नं करोति। उत्तरप्रदेश-राज्य-ललितकला-अकादम्या हरिदर्शनसांख्यनाम्नः कलाकारस्य हिमालयस्य आध्यात्मिकानुभूत्या आधारितां एकलचित्रप्रदर्शनीं “हिमालयः — आध्यात्मिक-मौनस्य पवित्रानुभूतिः” नाम्नीं सोमवासरे लखनऊ-नगरे लाल-बारादरी-भवन-परिसरे शुभारम्भः कृतः। प्रदर्शन्याः उद्घाटनं मुख्यातिथिः राष्ट्रिय-स्वयंसेवक-संघस्य अखिलभारतीय-प्रचारक-प्रमुखः रञ्जनः दीपप्रज्वलनेन अकरोत्।

अस्मिन् अवसरे मुख्यातिथिः स्वान्त-रञ्जनः स्वसम्बोधने अवदत् यत् एषा प्रदर्शनी हिमालयस्य आध्यात्मिक-यात्रायाः सशक्तं कलात्मकं रूपम् अस्ति तथा च कलाकारस्य हरिदर्शनसांख्यस्य एषः प्रयासः अत्यन्तं प्रशंसनीयः। सः अवदत् यत् कलाकारस्य कृतयः दर्शकान् आत्मचिन्तनं शान्तिं च अनुभावयन्ति।

अध्यक्षः डॉ. सुनीलकुमार-विश्वकर्मा प्रदर्शनीं कलाकाराणां विद्यार्थिनां च प्रेरणास्रोतः इति अवदत्। अकादम्याः उपाध्यक्षः गिरीशचन्द्र-मिश्रः अवदत् यत् एतां प्रदर्शनीं दृष्ट्वा एव वयं हिमालयस्य यात्रां कुर्म इव अनुभूयते। अकादम्याः निर्देशकः अमितकुमार-अग्निहोत्री च अवदत् यत् एषा प्रदर्शनी प्रकृत्या आत्मचिन्तनेन च सह सार्थकं कलात्मकं संवादं प्रस्तुतयति।

कार्यक्रमस्य अध्यक्षतां अकादम्याः अध्यक्षः डॉ. सुनीलकुमार-विश्वकर्मा अकरोत्। अकादम्याः उपाध्यक्षः गिरीशचन्द्र-मिश्रः कलाकारान् अतिथीन् कलाप्रेमिणः च स्वागतम् अकरोत्। एषा प्रदर्शनी उत्तरप्रदेश-राज्य-ललितकला-अकादम्याः कला-प्रदर्शनी-योजनान्तर्गतम्‌ आयोजिता अस्ति, यस्याम् मिर्जापुर-निवासी कलाकारः हरिदर्शन-सांख्यः तस्य चयनिताः कृतयः प्रदर्शिताः सन्ति। तस्य कृतयः प्रायः द्विवर्षीयाया हिमालयीय-यात्रायाः साधनायाश्च फलरूपाः सन्ति, यासु वर्णानां, प्रकृतेः भारतीय-दर्शनस्य च सुन्दरः समन्वयः दृश्यते। उद्घाटन-समारोहस्य अवसरे बहुसंख्यकाः कला-विद्यार्थिनः, माध्यम-प्रतिनिधयः तथा कलाप्रेमिणः उपस्थिताः आसन्।

हिन्दुस्थान समाचार / Dheeraj Maithani