Enter your Email Address to subscribe to our newsletters
कोलकाता, १५ दिसम्बरमासः (हि.स.)। पश्चिमबङ्गालस्य मुख्यमन्त्री ममताबनर्जी सोमवासरे सामाजिकसंचारमञ्चे ‘एक्स’ इत्यस्मिन् लेखं प्रकाशितवती, येन सा ‘भारतस्य लौहपुरुष’ सरदारवल्लभभाईपटेलं तस्य पुण्यतिथौ श्रद्धाञ्जलिं समर्पितवती। मुख्यमन्त्री ममताबनर्जी स्वीयलेखे अलिखत्— “आधुनिकभारतस्य निर्मातृषु एकः, ‘भारतस्य लौहपुरुषः’ सरदारवल्लभ भाईपटेलः। तस्य पुण्यतिथौ मम श्रद्धाञ्जलिः। राष्ट्रं प्रति तस्य अनुकरणीयां सेवां वयं सादरं नमनं कुर्मः।”
सरदारवल्लभभाईपटेलः आधुनिकभारतस्य प्रमुखनिर्मातृषु एकः आसीत्। स्वतन्त्रभारतस्य प्रथमः गृहमन्त्री इति नात्या सः ५६२ देशीयराज्यं भारतीयसंघे विलयितुं ऐतिहासिकं कार्यं कृतवान्। तस्य दृढसंकल्पः कुशलराजनयश्च भारतं अखण्डराष्ट्रं कर्तुं महत्त्वपूर्णां भूमिकां निर्वहन्ति स्म।
सरदारपटेलस्य राष्ट्रं प्रति अनुकरणीया सेवा तथा समर्पणं अद्यापि प्रेरणास्रोतः अस्ति। तस्य नेतृत्वे भारतः एकताखण्डतयोः सुदृढां स्तम्भां स्थापयामास। तस्य पुण्यतिथौ देशस्य सर्वेषु भागेषु नेतारः नागरिकाश्च तं स्मृत्वा तस्य आदर्शान् अग्रे नेतुं संकल्पं कृतवन्तः।
हिन्दुस्थान समाचार / Dheeraj Maithani