Enter your Email Address to subscribe to our newsletters
कुलपतिः प्रो. नरसी राम बिश्नोई विश्वविद्यालयः हरियाणाप्रदेशवासिभ्योऽस्मै पुरस्काराय वर्धापनानि
हिसारः, 17 दिसंबरमासः (हि.स.)।
अत्रस्थितं गुरु जम्भेश्वर विज्ञान एवं प्रौद्योगिकी विश्वविद्यालयं वेटरन्स् इण्डिया संस्थया एआईसीटीई, एनबीए, एआईयू, ईपीएसआई इत्येतैः संस्थाभिः संयुक्ततत्त्वावधानात् “प्राइड् ऑफ् नेशन् अवार्ड् २०२५” इत्यनेन सह “हरियाणायाः सर्वश्रेष्ठं विश्वविद्यालयम्” इति सम्मानेन अलङ्कृतम् अस्ति। विश्वविद्यालयाय अयं पुरस्कारः राष्ट्रवादे, राष्ट्रनिर्माणे, भारतीयज्ञानप्रणाल्यां (आईकेएस), मूल्याधारितशिक्षायां, सामुदायिकसंबद्धतायां तथा सामाजिकउत्तरदायित्वे च उत्कर्षस्य कारणेन प्रदानः कृतः।
एषः भव्यः पुरस्कारसमारोहः नवीदिल्लीस्थे एनडीएमसी कन्वेन्शन सेन्टर् इत्यत्र आयोजितः अभवत्। भारतस्य रक्षाराज्यमन्त्री संजय सेठः समारोहस्य मुख्यातिथिरूपेण उपस्थितः आसीत्। अखिलभारतीयसम्पर्कप्रमुखः रामलालः अस्मिन् अवसरः विशिष्टातिथिः आसीत्। विश्वविद्यालयाय अयं पुरस्कारः भारतस्य राष्ट्रियप्रत्यायनबोर्ड् (एनबीए), राष्ट्रियशैक्षिकप्रौद्योगिकीफोरम् (एनईटीएफ) तथा एनएएसी (राष्ट्रियमूल्यांकन एवं प्रत्यायन परिषद्) इत्यस्य अध्यक्षः प्रो. अनिल डी सहस्रबुद्धे, वेटरन्स् इण्डिया संस्थायाः संरक्षकः, संस्थापकः एवं राष्ट्रियाध्यक्षः प्रो. बीके मिश्रा, राष्ट्रियसमन्वयकः प्रो. सुनील पारीकः तथा अखिलभारतीयतांत्रिकशिक्षापरिषदः (एआईसीटीई) अध्यक्षः प्रो. टीजी सीथारामः इत्येषां गरिमामयी उपस्थितौ समर्पितः।
कुलपतिः प्रो. नरसीराम् बिश्नोई बुधवासरे विश्वविद्यालयस्य राष्ट्रवादे, राष्ट्रनिर्माणे, भारतीयज्ञानप्रणाल्यां, मूल्याधारितशिक्षायां, सामुदायिकसंबद्धतायां तथा सामाजिकउत्तरदायित्वे च उत्कृष्ठयोगदानस्य मान्यतां कृत्वा वेटरन्स् इण्डिया संस्थायै कृतज्ञतां व्यक्तवान्। “प्राइड् ऑफ् नेशन् २०२५” इत्यनेन सह “हरियाणायाः सर्वश्रेष्ठं विश्वविद्यालयम्” इति सम्मानप्राप्तौ सः सर्वान् संकायसदस्यान्, विद्यार्थिनः तथा अशिक्षणकर्मचारिणः अभिनन्दितवान्, एतत् च विश्वविद्यालयाय गौरवक्षणं इति अवदत्। सः उक्तवान् यत् अयं प्रतिष्ठितः पुरस्कारः सर्वेषां हितधारकानां निरन्तरैः, समर्पितैः, सामूहिकैः च प्रयत्नैः प्राप्तः, ये स्वस्वक्षेत्रेषु परिश्रमेण कार्यं कुर्वन्ति।
प्रो. नरसीराम् बिश्नोई अवदत् यत् विश्वविद्यालयस्य राष्ट्रियदिवससमारोहाः केवलं औपचारिककार्यक्रमेषु न सीमिताः, अपि तु विद्यार्थिषु अध्यापकेषु च देशभक्तेः, संवैधानिकमूल्यानां तथा एकताभावस्य सक्रियं पोषणं कुर्वन्ति। सशस्त्रबलानां प्रति सम्मानं कृतज्ञतां च विशेषेण प्रकाशयन् कुलपतिः संस्थायाः सशस्त्रबलकर्मिणां, शहीदपरिवाराणां तथा विकलाङ्गसैनिकानां कल्याणोन्नयनाय समर्पितानां पहलानां उल्लेखं कृतवान्, येषु जागरूकताअभियानानि, सहायताकार्यक्रमाः तथा सामुदायिकसहकारिताः अन्तर्भवन्ति।
हिन्दुस्थान समाचार