Enter your Email Address to subscribe to our newsletters
जयपुरम्, 17 दिसंबरमासः (हि.स.)।
प्रकृतिसंरक्षणस्य, पक्षिरक्षणस्य तथा जैवविविधतासंरक्षणस्य सन्देशं वहन् ग्रीन पीपल सोसायटी (जीपीएस) संस्थायाः जयपुर् शाखया “जयपुर् बर्ड् फेस्टिवल् २०२६” इत्यस्य भव्यं आयोजनं एकत्रिंशत्तमे जनवरी मासे २०२६ तमे वर्षे क्रियते। एषः रंगारंगः ज्ञानवर्धकश्च कार्यक्रमः कानोता कैम्प् रिसोर्ट् जामडोली जयपुरे प्रातः नववादनात् अर्धघण्टिकायाः आरभ्य सायं पञ्चवादनपर्यन्तम् आयोजितः भविष्यति।
समारोहस्य संयोजकः तथा ग्रीन पीपल सोसायटी संस्थायाः उपाध्यक्षः निवृत्तः आईएएस अधिकारी विक्रमसिंहः अवदत् यत् जयपुर् विकास प्राधिकरणेन जेडीए, पर्यटनविभागेन तथा रीको संस्थया प्रायोजितः अयं फेस्टिवलः वनविभागस्य तथा डब्ल्यूडब्ल्यूएफ् इण्डिया संस्थायाः सहयोगेन आयोजितः भवति।
सः अवदत् यत् ग्रीन पीपल सोसायटी संस्था दीर्घकालात् उदयपुर् बर्ड् फेस्टिवल् इत्यादृशैः राष्ट्रियस्तरे प्रतिष्ठितैः आयोजनेभ्यः पर्यावरणसंरक्षणस्य जनजागरणं करोति। जयपुरे आयोजितः प्रथमः बर्ड् फेस्टिवल् २०२५ अत्यन्तं सफलः अभवत्। तस्यैव सफलतायाः अनुकरणेन अधुना जयपुर् बर्ड् फेस्टिवल् २०२६ आयोजितः क्रियते।
अस्मिन् फेस्टिवले अष्टम्याः कक्ष्याः आरभ्य द्वादशी कक्ष्यापर्यन्तं प्रायः पञ्चशतानि विद्यार्थिनः भागं ग्रहीष्यन्ति। ते विशेषज्ञाणां सान्निध्ये पक्षिणां रहस्यमयीं वर्णपूर्णां च दुनियां समीपतः ज्ञास्यन्ति। अयं फेस्टिवलः विद्यार्थिनां अध्यापकानां च कृते अद्वितीयः अनुभवः भविष्यति, यत्र शिक्षणं उत्सवस्वरूपं धारयिष्यति।
कार्यक्रमस्य कालावधौ बर्ड् वॉचिङ्ग् सत्राणि, चित्रांकनचित्रलेखनप्रतियोगिताः, प्रश्नोत्तरी, बर्ड् फोटोग्राफी तथा फिलैटली प्रदर्शनी, तितलीनां जीवनचक्रस्य सजीवप्रदर्शनम्, विशेषज्ञैः सह संवादः, तथा प्राकृतिकवर्णैः पक्षिटैटूप्रलेखनम् इत्यादयः आकर्षकाः क्रियाकलापाः आयोजिताः भविष्यन्ति। सर्वेभ्यः सहभागिभ्यः पक्षिचिन्हनपुस्तिका, कागदनिर्मितं नीड़म्, फेस्टिवल् किट् च प्रदास्यते।
फेस्टिवलस्य अधिकं सार्थकत्वं कर्तुं अस्मिन् वर्षे द्वे विशेषकार्यशाले अपि आयोजिते भविष्यतः। प्रथमं “ट्रेनिङ्ग् ऑफ् ट्रेनर्स्” टीओटी कार्यशाला भविष्यति, यस्यां एनजीओ तथा विद्यालयैः सम्बद्धाः प्रायः त्रिंशत् संसाधनव्यक्तयः “अर्ली बर्ड्” पहलस्य अन्तर्गतं युवान् पक्षिपर्यवेक्षणेन संयोजयितुं प्रशिक्षणं प्राप्स्यन्ति। द्वितीया कार्यशाला नवोदितलेखकानां कृते भविष्यति, यस्यां पक्षिषु तथा तेषां आवासेषु लेखनकौशलं शिक्ष्यते। अयं विशेषसत्रः प्रख्यातपक्षिविद्या विशेषज्ञेन बॉम्बे नेचुरल् हिस्ट्री सोसायटी संस्थायाः पूर्वनिर्देशकः असद् रहमानिना सञ्चालितः भविष्यति।
---------------
हिन्दुस्थान समाचार