Enter your Email Address to subscribe to our newsletters
सिलीगुड़ी, 17 दिसंबरमासः (हि. स.)। राज्यसर्वकारस्य विविधविकास-जनकल्याणकारी-योजनानां सन्देशं जनसामान्येभ्यः सरलतया प्रभावशाल्याः च रीतेः प्रेषयितुं सिलीगुड़ी-नगरे ‘उन्नयनस्य पाचाली’ इति विशेष-झाँकी-प्रचार-अभियानस्य आरम्भः अभवत्। बुधवासरे आयोजिते उद्घाटन-कार्यक्रमे सिलीगुड़ी-नगर-निगमस्य महापौरः गौतम-देवः उपस्थितः आसीत्। तेन सह उप-महापौरः, नगर-निगमस्य अनेकाः पार्षदाः तथा अधिकारीणः अपि उपस्थिताः आसन्।
महापौरः गौतम-देवः अवदत् यत् राज्य-सर्वकारस्य स्वास्थ्य-साथी, लक्ष्मी-भण्डार, कन्याश्री, सबुज-साथी, खाद्य-साथी इत्यादीनां बहूनां जनकल्याणकारी-योजनानां लाभः जनसामान्येभ्यः प्राप्यताम् इति उद्देश्येन एषः उपक्रमः आरब्धः अस्ति। ‘उन्नयनस्य पाचाली’ नाम्नी प्रदर्शनी सिलीगुड़ी-नगर-निगम-क्षेत्रस्य विविधेषु महत्वपूर्णेषु स्थानेषु, दाबग्राम-फुलबाड़ी-क्षेत्रे च तथा समीपवर्तिषु अन्येषु अनेकेषु प्रदेशेषु भ्रमणं करिष्यति।
महापौरेण अधिकम् उक्तं यत् एषः प्रचार-अभियानः आगामि १५ जनवरी-दिनाङ्कं यावत् प्रवर्तते। अस्य अवधौ प्रत्येकं वार्डं तथा जनसमूह-सञ्चारयुक्तेषु क्षेत्रेषु गत्वा राज्य-सर्वकारस्य विकास-कार्याणां तथा योजनानां विस्तृतां सूचनां जनानां समीपं नीयते।
हिन्दुस्थान समाचार / अंशु गुप्ता