धर्मशाला, 20 दिसंबरमासः (हि.स.)‌।

केन्द्रीयगृहमन्त्रिणोऽमितशाहस्य हिमाचलप्रदेश-यात्रा निरस्ता अभवत्। सः अद्य काङ्गडाजिलायाः सपडी-स्थिते सशस्त्रसीमाबलस्य (एसएसबी) प्रशिक्षणकेन्द्रस्य स्थापनादिवससमारोहस्य मुख्यातिथिरूपेण उपस्थितो भवितुम् आसीत्। किन्तु दुष्कर-मौसमस्य कारणात् तस्य एषा यात्रा निरस्ता जाता। जिलाप्रशासनं हिमाचलप्रदेशीय-भाजपादलम् च तस्य यात्रायै पूर्वमेव सर्वाः व्यवस्थाः कृतवन्तौ। अधुना अकस्मात् अमितशाहस्य यात्रानिरसनात् भाजपाकार्यकर्तृषु निराशा दृश्यते।

एतस्मात् पूर्वं सः शुक्रवासरसाये चण्डीगढं आगन्तुं नियोजितः आसीत्। तत्र रात्रौ निवासानन्तरं शनिवासरप्रातःकाले हिमाचलप्रदेशं प्रति प्रस्थानं कर्तुं निश्चितं आसीत्, किन्तु गृहमन्त्री अमितशाहः चण्डीगढं अपि न आगतः।

गृहमन्त्रिणः यात्रानिरसनानन्तरं अधुना सशस्त्रसीमाबलस्य महानिदेशकः मुख्यातिथिरूपेण समारोहस्य भागं गृहीतवान्। काङ्गडाजिलायाः उपायुक्तः हेमराजबैरवा अमितशाहस्य यात्रायाः निरसनस्य पुष्टिṃ कृतवान्।

हिन्दुस्थान समाचार / Dheeraj Maithani