Enter your Email Address to subscribe to our newsletters
उप मुख्यमंत्री सांसदः कप खेल प्रतियोगितानां कृतवान् शुभारंभम्
भोपालम्, 20 दिसंबरमासः (हि.स.)।
मध्यप्रदेशराज्यस्य रीवाजनपदे सर्वेषु विधानसभाक्षेत्रेषु गत २९ अगस्ततः सांसदकप् क्रीडाप्रतियोगिताः आयोजिताः सन्ति। अस्य क्रमस्य अन्तर्गतं शनिवासरे रीवाविधानसभाक्षेत्रस्य सांसदकप् क्रीडाप्रतियोगिता मार्तण्ड-उत्कृष्टविद्यालये सम्पन्ना। प्रतियोगितायाः शुभारम्भः उपमुख्यमन्त्री राजेन्द्रशुक्लेन कृतः।
अस्मिन् अवसरें उपमुख्यमन्त्री अवदत् यत् क्रीडाभिः तनमनयोः स्वास्थ्यं रक्षितं भवति, तथा जीवनस्य अनुशासनस्य अपि शिक्षा लभ्यते। क्रीडाभिः प्रतिस्पर्धाभावनायाः विकासः भवति। सांसदः जनार्दनमिश्रः जनपदस्य सर्वेषु विधानसभाक्षेत्रेषु सांसदकप् प्रतियोगिताः आयोजयित्वा क्रीडाप्रतिभानां अग्रे गन्तुं अवसरं प्रदत्तवान् इति सः उक्तवान्।
सांसदकप् क्रीडाप्रतियोगितायां फुटबाल्, कबड्डी, वॉलीबाल्, क्रिकेट्, कराटे, खो-खो इत्यादीनां क्रीडानां सह पारम्परिकग्रामीणक्रीडानाम् अपि—यथा गेंद-गिप्पी—प्रतियोगिताः आयोजिताः सन्ति। सांसदकप् क्रीडाप्रतियोगितानां भव्यः समापनसमारोहः २५ डिसम्बर् दिने रीवास्थिते स्पोर्ट्स् कॉम्प्लेक्से भविष्यति।
स्पोर्ट्स् कॉम्प्लेक्से राष्ट्रिय-विश्वस्तरीयक्रीडाप्रतियोगितानां आयोजनार्थं फुटबालमैदानं, एथलेटिक्स् क्रीडाङ्गणं तथा इन्डोर् क्रीडासुविधाः उपलभ्यन्ते। एतत् विन्ध्यप्रदेशस्य प्रतिभाशालिनां क्रीडाकानां कृते महती सौगात् अस्ति।
समारोहकाले उपमुख्यमन्त्री विविधक्रीडासु प्रतिभागिनां क्रीडकानां परिचयं प्राप्तवान्। अस्मिन् समारोहे नगरनिगमाध्यक्षः व्यंकटेशपाण्डेयः, जिलाभाजपाध्यक्षः वीरेन्द्रकुमारगुप्तः, हेमलतासिंहः, संभागीयक्रीडाधिकारी एम्. के. धौलपुरी तथा बहुसंख्यकाः क्रीडकाः उपस्थिताः आसन्।
---------------
हिन्दुस्थान समाचार