नवदेहली, 20 दिसंबरमासः (हि.स.)।देहली-परिवहन-मन्त्री डॉ. पङ्कजः कुमारः सिंहः अवदत् यत् अस्माकं सर्वकारस्य आगमनानन्तरं एकलक्षाधिकानि ई–वी–यानानि पञ्जीकृतानि सन्ति। सः अवदत् यत् प्रदूषणस्य न्यूनीकरणाय देहली-सर्वकारः शीघ्रमेव विद्युत्-यानानां (ई–वी) विषये नीतिं आनेष्यति।

डॉ. सिंहः शनिवासरे देहलीसचिवालये आयोजितायां प्रेस्-कॉन्फ़रेन्स्-सभायां अवदत् यत् विद्युत्-यानानां प्रोत्साहन-अभावस्य बहवः कारणाः सन्ति। पूर्व-सर्वकारेण विद्युत्-यानानां कृते अनुदानं न दत्तम्। अस्माकं सर्वकारः तत् अनुदानं प्रददाति, किन्तु यदि पूर्व-सर्वकारः अनुदानं अददात् तर्हि प्रदूषणे न्यूनता अभविष्यत्। सः अवदत् यत् मुख्यमन्त्री रेखा-गुप्ता-नेतृत्वे प्रदूषणस्य न्यूनीकरणाय सर्वे आवश्यकोपायाः क्रियमाणाः सन्ति।

सिंहः अवदत् यत् यदा वयं सत्तायां आगताः तदा देहली-परिवहन-विभागे केवलं त्रिशतानि लोकयानानि आसन्; अद्य तु एषा संख्या त्रिसहस्राधिकानि जाता अस्ति। देहली-सर्वकारः मार्च् 2026 पर्यन्तं बस्-यानानां संख्या पञ्चसहस्रं करिष्यति तथा च नवम्बर् 2026 पर्यन्तं सप्तसहस्रात् अधिकां करिष्यति। सः अवदत् यत् पूर्व-सर्वकारेण विद्युत्-यानानां कृते अनुदानं न दत्तम्, तस्मात् एतेषां यानानां संख्यायां न्यूनवृद्धिः अभवत्, अद्य च देहली-निवासिनः प्रदूषणम् अनुभवन्ति।

सिंहः अवदत् यत् सर्वकारेण गतदिनेषु एकलक्षाधिकानां यानानां पी–यू–सी प्रमाणपत्राणि निर्गतानि सन्ति। प्रदूषणस्य न्यूनीकरणाय देहली-सर्वकारस्य सम्पूर्णा मन्त्रिमण्डली एका-सङ्घेण सह कार्यं करोति।

-----------

हिन्दुस्थान समाचार / अंशु गुप्ता