Enter your Email Address to subscribe to our newsletters
उत्तरकाशी, 21 दिसंबरमासः (हि.स.)काङ्ग्रेसदलस्य कार्यकर्तृभिः “रजतवर्षसमारोह” इत्यस्य नाम्ना फिजूलव्ययस्य आरोपं कृत्वा जिलाधिकारी महोदयाय ज्ञापनं समर्पितम्। सोमवासरात् जनपदमुख्यालयस्य जोशियाडाझीलासमीपे आरभ्यमाणस्य त्रिदिवसीयस्य “रजतवर्षसमारोहस्य” विषये प्रश्नान् उत्थापयन् उत्तरकाशीजनपदस्य जिला काङ्ग्रेसकमेट्याः अध्यक्षः प्रदीपरावतः तस्य नेतृत्वे रविवासरे दलकार्यकर्तृभिः जिलाधिकारीस्य शिविरकार्यालये ज्ञापनं दत्त्वा उक्तकार्यक्रमस्य विरोधः कृतः।
ज्ञापने उक्तं यत् अस्य समारोहस्य नाम्ना कोटिशः रूप्यकाणां अनावश्यकव्ययः क्रियते यस्य काङ्ग्रेसदलः तीव्रं विरोधं करोति। जिला काङ्ग्रेसकमेट्याः पदाधिकारिणः अवदन् यत् जनपदस्य धराली हर्षिलादिषु अन्येषु च बहुषु आपदाप्रभावितप्रदेशेषु जनाः अद्यापि गम्भीरसंकटेन पीडिताः सन्ति। आपदायाः पञ्चमासानन्तरमपि प्रभावितपरिवाराणां कृते न स्थायीराहतिः न पुनर्वासः उपलब्धः अस्ति न च सुरक्षा आपदानिवारणसम्बद्धाः ठोसकार्याणि भूमौ दृश्यन्ते।
एतादृशे संवेदनशीलकाले रजतवर्षसमारोहस्य नाम्ना महतीं धनराशिं व्ययितुं न केवलं अनुचितं किन्तु आपदापीडितानां व्रणेषु लवणप्रक्षेपवत् इति काङ्ग्रेसकमेट्या अभिप्रेतम्। जिला काङ्ग्रेसकमेट्या स्पष्टं कृतं यत् यावत् जनपदस्य सर्वे आपदाप्रभावितपरिवाराः सुरक्षिताः पुनःस्थापिताः सम्मानजनकजीवनमार्गे न प्रत्यागच्छन्ति तावत् कस्यापि उत्सवस्य समारोहस्य वा आयोजनं नैतिकदृष्ट्या उचितं नास्ति।
जनपदस्य जिला काङ्ग्रेसकमेट्या जिलाप्रशासनं सरकारं च जनभावनानां सम्मानं कृत्वा शीघ्रं संवेदनशीलं जनहितकरं च निर्णयं ग्रहीतुं मागणी कृता।
उल्लेखनीयं यत् जनपदमुख्यालयस्य जोशियाडाझीलासमीपे सोमवासरात् आगामिबुधवासरपर्यन्तं त्रिदिवसीयः “रजतवर्षसमारोहः” आयोजितः क्रियते यस्मिन् मुख्यमन्त्री पुष्करसिंहधामी महोदयस्य आगमनसम्भावना अपि कथ्यते।
ज्ञापनसमर्पणकाले पूर्वब्लॉकप्रमुखः कनकपालसिंहपरमारः कमलसिंहरावतः जिला संयोजकः सेवादल काङ्ग्रेसः शीशपालपोखरियालः बी एल घालवनः विजेन्द्रनौटियालः श्रीमती मधुरावतः सुधीशपवारः जीतम्रावतः अभिषेकजगूड़ी अधिवक्ता च उपस्थिताः आसन्।
हिन्दुस्थान समाचार