Enter your Email Address to subscribe to our newsletters
- उत्तरप्रदेश विधानसभायां बेसिकशिक्षाविभागस्य आगतः विषयः
लखनऊ, 23 दिसंबरमासः (हि.स.)।
उत्तरप्रदेशविधानसभायाः शीतकालीनसत्रस्य तृतीयदिने मङ्गलवासरे पूर्वाह्ने एकादशवादने सदनस्य कार्यवाही आरब्धा। प्रश्नकाले विपक्षपक्षस्य सदस्यैः बेसिकशिक्षया सम्बन्धिताः प्रश्नाः कृताः। विपक्षस्य प्रश्नानां उत्तरं ददन् बेसिकशिक्षायाः राज्यमन्त्री (स्वतन्त्रप्रभारः) सन्दीपसिंहः अवदत् यत् सर्वकारेण किमपि बेसिकविद्यालयः न पिहितं कृतम्।
सन्दीपसिंहः सदनम् अवगामितवान् यत् येषु विद्यालयेषु पञ्चाशत् न्यूनाः बालकाः आसन्, तेषां विद्यालयानां बालकाः एककिलोमीटरपरिसरे स्थितेषु अन्येषु विद्यालयेषु संयोजिताः सन्ति। अतः कोऽपि सदस्यः सदने विद्यालयस्य पिधानसम्बन्धिनीं मिथ्याज्ञापनां न दद्यात्। शिक्षकेषु स्थानान्तरणस्य विषये पारदर्शी व्यवस्था निर्मिता अस्ति। द्विसहस्रसप्तदशवर्षात् पूर्वं अस्मिन् एव प्रदेशे शिक्षकानां स्थानान्तरणेषु धनसंग्रहः क्रियते स्म। तथापि शिक्षकेभ्यः इच्छितस्थानान्तरणं न प्राप्यत इति सः अवदत्। बेसिकशिक्षामन्त्री शिक्षकानां स्वास्थ्यविषये अपि चर्चा कृतवान्।
अन्यस्मिन् प्रश्नस्य उत्तरं ददन् मन्त्री सन्दीपसिंहः अवदत् यत् बेसिकशिक्षायां शिक्षकानाम् एकोऽपि स्वीकृतपदः न समाप्तः कृतः। छात्रशिक्षकानुपातं संरक्षितुं सर्वकारः निरन्तरं प्रयत्नशीलाऽस्ति। सदस्यैः शिक्षकनियुक्तेः अभावः प्रश्नीकृतः। सदनम् अवगामयितुम् इच्छामि यत् अस्माकं सर्वकारेण द्विसहस्राष्टादशवर्षात् द्विसहस्रत्रयोविंशतिवर्षपर्यन्तं एकलक्षषड्विंशतिसहस्रत्रिशतैकसप्ततिः शिक्षकेभ्यः नियुक्तिः कृता।
समाजवादीदलस्य ब्रजेशः कठेरिया तथा डॉ. रागिणी प्रश्नं कृतवन्तौ। तौ अवदतां यत् शिक्षकानां कृते विविधानि कार्याणि नियुक्तानि भवन्ति, येन तेषां अध्यापनाय समयः न लभ्यते। शिक्षकानां शिक्षणेत्तरकार्येषु नियुक्तिः क्रियते। तयोः कथनानुसारं एषः सर्वकारः दरिद्रविरोधिनी अस्ति। प्राथमिकविद्यालयेषु दरिद्रबालकाः पठन्ति, अत एव विद्यालयाः पिहिताः क्रियन्ते।
समाजवादीदलस्य अभियन्ता सचिनयादवः बेसिकशिक्षाविभागस्य विद्यालयेषु शिक्षकानाम् अभावस्य विषयम् उदतिष्ठत्। सः सर्वकारं प्रति आरोपान् कृतवान् यत् शिक्षकनियुक्तिः न क्रियते। गतषट्सु वर्षेषु बेसिकविद्यालयेषु एकापि नियुक्ति न कृता इति सः अवदत्।
---------------
हिन्दुस्थान समाचार / अंशु गुप्ता