Enter your Email Address to subscribe to our newsletters
बीकानेरम्, 24 दिसंबरमासः (हि.स.)।
स्वातन्त्र्योत्तरदशकेषु अपि भारतस्य ग्रामीणप्रदेशाः मूलभूतसुविधाभ्यः वञ्चिताः आसन्। तासु सुविधासु प्राप्त्यर्थं मार्गस्य अत्यावश्यकता आसीत्। एताम् आवश्यकतां सम्यग् अवगम्य पूर्वप्रधानमन्त्री अटल बिहारी वाजपेयिना पञ्चविंशतितमे दिसम्बरमासे द्विसहस्रतमे वर्षे “प्रधानमन्त्री ग्रामसडक् योजना” इति नाम्ना भारतस्य असंयुक्तग्रामाणां मार्गैः सह संयोजनस्य दृढा नीव स्थापिताऽभवत्। अस्याः योजनायाः अन्तर्गतं सामान्यप्रदेशेषु पञ्चशतात् अधिकजनसंख्यायुक्ताः तथा मरुस्थलीय आदिवासीप्रदेशेषु द्विशतपञ्चाशतात् अधिकजनसंख्यायुक्ताः बसावटयः सर्वकालिकैः पक्कमार्गैः सह संयोजयितुं लक्ष्यं निश्चितम्। अनन्तरकाले अस्यां योजनायां प्रमुखग्रामीणमार्गाणां विस्तारः सुदृढीकरणं च लक्ष्यरूपेण समाविष्टम्।
अस्य लक्ष्यस्य साधने राजस्थानराज्येन अपि महत्वपूर्णं योगदानं कृतम्। अस्याः योजनायाः अन्तर्गतं सार्वजनिकनिर्माणविभागेन गतपञ्चविंशतिवर्षेषु प्रदेशे पञ्चसप्ततिसहस्रकिलोमीटरमितानां मार्गाणां निर्माणं कृतम् तथा च षोडशसहस्रनवशतत्र्यशीतिः बसावटयः ग्रामाश्च सर्वकालिकपक्कमार्गैः सह संयोजिताः। एतत् केवलं मार्गविस्तारः न, अपि तु दूरदराजग्रामेषु शिक्षायाः स्वास्थ्यस्य नवावसराणां च प्रापणस्य महत्त्वपूर्णा पहलाऽभवत्।
अस्यैव कालावधौ बीकानेरजिले प्रायः पञ्चशतषट्षष्ट्यधिकशतकोटिरूप्यकव्ययेन त्रिसहस्रद्विशतत्र्यशीतिः किलोमीटरमितानां मार्गाणां निर्माणं कृत्वा नवचतुःशत नवनवतिः बसावटयः सर्वकालिकमार्गैः सह संयोजिताः। प्रथमचरणे एव जिले चतुर्शतानवचत्वारिंशत्कोटिरूप्यकव्ययेन द्विनवतिशतत्र्यशीतिः किलोमीटरमितमार्गनिर्माणं कृत्वा नवचतुःशत नवनवतिः बसावटयः संयोजिताः। तस्मिन्नेव चरणे पञ्चशतैकादश किलोमीटरमितानां मार्गाणां विस्तारः सुदृढीकरणं च कृतम्।
यथा यथा कार्यक्रमः अग्रे वर्धते स्म तथा तथा चयनितानां थ्रूरूट्स् ग्रामीणमार्गजालस्य च अधिकसुदृढीकरणस्य आवश्यकता अनुभूता। वर्षे द्विसहस्रत्रयोदशे भारतसरकारया एतत् सुनिश्चितं कृतं यत् केवलं नूतनमार्गनिर्माणं पर्याप्तं न, अपि तु विद्यमानमार्गजालस्य सुदृढीकरणमपि आवश्यकम्। योजनायाः द्वितीयचरणे जिले अष्टचत्वारिंशत् दशमलव अष्टचत्वारिंशत्कोटिरूप्यकव्ययेन चतुशीतिकिलोमीटरमितमार्गाणां विस्तारसुदृढीकरणकार्यं कृतम्।
तृतीयचरणे अपि विद्यमानमार्गाः ग्रामीणसंपर्कमार्गाश्च उन्नताः कृताः, येन बसावटेभ्यः कृषिबाजारेभ्यः महाविद्यालयेभ्यः चिकित्सालयेभ्यः अन्येभ्यः कृषिसम्बद्धोद्यमेभ्यश्च सुलभा शीघ्रगमनसुविधा स्थापितुं शक्येत। अस्मिन् चरणे अद्यावधि जिले एकशतएक दशमलव चत्वारिंशत्कोटिरूप्यकव्ययेन त्रिषष्ट्यधिकद्विशतकिलोमीटरमितानां पञ्चविंशतिमार्गाणां विस्तारसुदृढीकरणं कृतम्।
योजनायाः चतुर्थचरणाय प्रदेशे षोडशशत अष्टत्रिंशत् बसावटयः चिन्हिताः सन्ति। अस्य चरणस्य प्रथमावस्थायां द्वादशशत षोडश बसावटयः एकेन सेतुना सह मार्गैः संयोजिताः भविष्यन्ति। प्रथमावस्थायां प्रायः द्विसहस्र अष्टनवत्कोटिरूप्यकव्ययेन त्रिसहस्रद्विशतैकविंशतिकिलोमीटरमितानां नूतनमार्गाणां निर्माणं भविष्यति।
---------------
हिन्दुस्थान समाचार