Enter your Email Address to subscribe to our newsletters
नव दिल्ली, 24 दिसंबरमासः (हि.स.)।
भवन्तः अद्य तस्मिन् स्थाने आगताः अस्माकं यत् लोकतन्त्रस्य मन्दिरम् इति कथ्यते। लोकतान्त्रिकव्यवस्थायां जनतैव सर्वोच्चा भवति, तथा च सदने संवादेन वादविवादेन चर्चया च एव शासनस्य दिशा निर्धारिता भवति—इति वक्तुं दिल्लीविधानसभायाः अध्यक्षः विजेन्द्रगुप्तः अद्य दिल्लीविधानसभाभवने राजस्थानराज्यात् आगतानां युवभिः सह अन्ताराज्ययुवाविनिमयकार्यक्रमस्य अन्तर्गतं संवादं कुर्वन् अवदत्।
एषः संवादः राजस्थानराज्यस्य दौसा, सीकरं, भरतपुरं, झुंझुनूं तथा अलवर इत्येतेषु विविधेषु जनपदेषु आगतानां चत्वारिंशत् युवा प्रतिभागिनां सह आयोजितः आसीत्। अयं कार्यक्रमः माय् भारत संस्थया, दक्षिणपश्चिमदिल्लीस्थितेन जिला युवा अधिकारी कार्यालयेन, भारतसर्वकारस्य युवा कार्य एवं क्रीडा मन्त्रालयस्य अन्तर्गतया स्वायत्तसंस्थया, सीसीआरटी द्वारकायाः सहयोगेन आयोजितः अभवत्।
कार्यक्रमस्य अन्तर्गतं प्रतिभागिनां कृते भारतस्य प्रथम निर्वाचितसभाध्यक्षः विठ्ठलभाई पटेल इत्यस्मिन् विषये आधारितं वृत्तचित्रम् अपि दर्शितम्। अनेन वृत्तचित्रेण भारतस्य संसदीयपरम्परा विशेषरूपेण प्रकाशिता।
स्वीयेन सम्बोधने अध्यक्षः लोकतन्त्रस्य विकासं विवृण्वन् प्राचीनराजतन्त्रस्य आधुनिकसंसदीयलोकतन्त्रस्य च मध्ये भेदं स्पष्टं कृतवान्। सः अवदत् यत् आधुनिकलोकतन्त्रे नागरिकाः स्वप्रतिनिधीनां निर्वाचनं कुर्वन्ति तथा च सर्वकारो जनतायाः सेवकरूपेण कार्यं करोति। राजपथो नाम परिवर्तनं कृत्वा कर्तव्यपथ इति करणं अपि सः कर्तव्यबोधस्य जनसेवायाश्च लोकतान्त्रिकभावनायाः प्रतीकम् इति अवदत्।
संसदीयलोकतन्त्रस्य कार्यप्रणालीं विवृण्वन् अध्यक्षः अवदत् यत् निर्वाचिताः प्रतिनिधयः सदने समागत्य विधायिकाकार्यं कुर्वन्ति, चर्चां विचारविमर्शं च कृत्वा विधाननिर्माणं कुर्वन्ति। सः उक्तवान् यत् संवादः लोकतान्त्रिकशासनस्य सुदृढतमः आधारः अस्ति, तथा च सदनं जनप्रतिनिधित्वस्य उत्तरदायित्वस्य विमर्शस्य च केन्द्रीयमञ्चः भवति।
दिल्लीविधानसभायाः ऐतिहासिकमहत्त्वं रेखाङ्कयन् अध्यक्षः अवदत् यत् एतद्भवनं शतत्रयोदशाधिकवर्षेभ्यः पुरातनां जीवितां विरासत् वहति। सः स्मारयामास यत् १९११ तमे वर्षे राजधानी कलकत्तानगरात् दिल्ली नगरं प्रति स्थानान्तरितायां सति १९१२ तमे वर्षात् अस्मिन् भवने विधायिकाकार्यं आरब्धम्। सः अपि अवदत् यत् गोपालकृष्णगोखले, लालालाजपतराय, मदनमोहनमालवीय, विठ्ठलभाईपटेल इत्यादीनां महानां राष्ट्रनेतॄणां अस्मिन् सदने गाढः सम्बन्धः आसीत् तथा च अत्र जाताः विचारविमर्शाः संघर्षाश्च भारतस्य स्वातन्त्र्यआन्दोलनस्य महत्त्वपूर्णां भूमिकां निर्वहन्ति स्म।
कार्यक्रमकाले युवानः एकैकशः अध्यक्षेण सह संवादं कृतवन्तः तथा च स्वानुभवान् शिक्षां विचारांश्च साझा कृतवन्तः। प्रतिभागिनः दिल्लीविधानसभायाः सदनस्य भ्रमणं अपि कृतवन्तः, येन ते अस्य कार्यप्रणाल्याः प्रक्रियाणां ऐतिहासिकविरासतश्च सम्यग् परिचयं प्राप्नुवन्ति स्म।
---------------
हिन्दुस्थान समाचार