चम्पावतम्, 26 दिसम्बरमासः (हि.स.)। जनपदस्य लोहाघाट-नगरे वीरबालदिवसस्य अवसरं निमित्तीकृत्य राष्ट्रिय-स्वयंसेवक-संघस्य बाल-स्वयंसेवकैः नगरे पथसञ्चलनम् आयोजितम्। अस्मिन् अवसरे स्वयंसेवकाः अनुशासनस्य राष्ट्रभक्तेः च सन्देशं प्रसारयन्तः नगरस्य प्रमुखमार्गैः सञ्चलनं कृतवन्तः। नागरिकैः पुष्पवर्षणेन तेषाम् उत्साहवर्धनं कृतम्।

कार्यक्रमे गुरु-गोविन्द-सिंह-महाराजस्य तथा तस्य चतुर्णां राजपुत्रानाम् अद्वितीयः त्यागः बलिदानं च स्मृतम्। वक्तृभिः निरूपितं यत् सिख-इतिहासः वीरतायाः, धर्मरक्षायाः तथा स्वाभिमानस्य प्रतीकः अस्ति। राजपुत्राः अल्पायाम् एव वयसि अत्याचारस्य सम्मुखे न नताः सन्तः धर्मस्य मानवीय-मूल्यानां च रक्षणार्थं सर्वोच्चं बलिदानं दत्तवन्तः।

सरस्वती-शिशु-मन्दिरे अपि विशेषाः कार्यक्रमाः आयोजिताः। तेषु गुरु-गोविन्द-सिंहस्य तथा राजपुत्रानां प्रेरणादायक-जीवनप्रसङ्गेषु प्रकाशः कृतः। वक्तृभिः उक्तं यत् सिख-गुरूणां योगदानं केवलं धर्मरक्षापर्यन्तं न सीमितम्, अपि तु सम्पूर्ण-मानवजातये प्रेरणास्रोतः अस्ति।

पथसञ्चलने कार्यक्रमेषु च नगर-संघचालकः योगेशः पाण्डेयः, नगर-प्रचारकः तनुजः सहितं संघस्य पदाधिकारीणः, स्वयंसेवकाः तथा बहवः नगरवासिनः उपस्थिताः आसन्। जनपदस्य अन्येषु अपि शिक्षणसंस्थासु विभागेषु च वीरबालदिवसः श्रद्धया उत्साहेन च सम्यक् रूपेण आचरितः।

हिन्दुस्थान समाचार / Dheeraj Maithani