Enter your Email Address to subscribe to our newsletters
गुवाहाटी, 27 दिसंबरमासः (हि.स.)। असम-राज्यस्य मुख्यमन्त्री डॉ. हिमन्त-बिस्व-शर्मा अवदत् यत् एनडीए-अन्तर्गतं गठबन्धन-विषये तथा स्थान-विभाजन-विषये चर्चा केन्द्रीय-गृहमन्त्री अमितशाहमहोदयस्य स्तर एव भविष्यति। तेन सङ्केतितं यत् अमित-शाहमहोदयस्य असमप्रवासकाले अपि अस्मिन् विषये वार्ता सम्भवेत्।
राज्य-भाजपाकार्यालये आयोजितायां मुख्यसमितिसमावेश-समाप्त्यनन्तरं माध्यमैः सह वार्तालापे मुख्यमन्त्री गत-रात्रौ स्पष्टं कृतवान् यत् १५ फेब्रुवरी-तिथेः पूर्वं गठबन्धन-विषये काचिदपि औपचारिकी चर्चा न भविष्यति, तथापि अनौपचारिकरूपेण काचित् सन्धि-सूचना जाता अस्ति।
मुख्यमन्त्री अवदत् यत् बोडोलैण्ड-पीपुल्स-फ्रण्ट् (बीपीएफ) तथा यूनाइटेड-पीपुल्स्-पार्टी-लिबरल् (यूपीपीएल) उभयौ अपि एनडीए-घटक-दलौ स्तः, किन्तु उभयोः दलयोः सर्वस्तरे एकत्र स्थितिः सम्भवा न अस्ति। तस्मात् नवान् राजनीतिक-समीकरणान् अन्वेष्टव्यान् भविष्यन्ति। सः अपि स्पष्टं कृतवान् यत् बीपीएफ अथवा यूपीपीएल काङ्ग्रेस-दलेन अथवा अन्येन केनापि दलेन सह न गमिष्यतः।
असम-गण-परिषद् (एजीपी) सह स्थान-विभाजन-विषये मुख्यमन्त्री अवदत् यत् वर्ष २०२१ तमे विधानसभानिर्वाचनं आधार-वर्षरूपेण स्वीकृत्य एव एजीपी-सह सन्धिः क्रियते। सः पुनरुक्तवान् यत् कस्यापि राष्ट्रिय-दलस्य कृते स्वीय-विद्यमान-विधायकानां स्थानानि परित्यक्तुं सम्भवम् न भवति। एषा मुख्यसमितिसभा भाजपा-राष्ट्रियकार्यकारी-अध्यक्षस्य नितिननवीनमहोदयस्य उपस्थितौ सम्पन्ना, यस्यां सङ्गठनात्मक-राजनीतिक-रणनीतिषु विस्तृता चर्चा अभवत्।
हिन्दुस्थान समाचार / Dheeraj Maithani