Enter your Email Address to subscribe to our newsletters
गांधीनगरम्, 28 दिसम्बरमासः (हि.स.)। अहमदाबाद-स्थितः राष्ट्रिय-रक्षा-विश्वविद्यालयः रविवासरे ओलम्पिकवादस्य प्रवर्धनार्थं त्रयः प्रमुखाः उपक्रमाः उद्घोषितवान्। विश्वविद्यालयेन घोषितं यत् सः सन् 2029 मध्ये आयोज्यमानानां विश्व-पुलिस-अग्निशमन-क्रीडानां विविध-विधायाः आतिथ्यं करिष्यति।
राष्ट्रिय-रक्षा-विश्वविद्यालयेन अद्य अहमदाबाद-नगरे कर्णावती-क्लब् इत्यत्र आयोजिते आभासिमाध्यम-संवादे एतां सूचनां प्रदत्तम्। अस्मिन् कार्यक्रमे गुजराते भारतवर्षे च ओलम्पिकवादस्य तथा क्रीडा-संस्कृतेः प्रवर्धनार्थं सम्बद्धाः महत्त्वपूर्णाः उपक्रमाः उद्घोषिताः। कार्यक्रमस्य अध्यक्षतां विश्वविद्यालयस्य कुलपतिः प्रो. (डॉ.) बिमल-एन्. पटेलः अकुर्वत्।
अस्मिन् अवसरे विश्वविद्यालयस्य अधिकारिणः भारत-ओलम्पिक-अनुसन्धान-शिक्षा-केन्द्रस्य गतिविधीनां तथा आगामी-योजनानां विवरणं दत्त्वा अवदन् यत् राष्ट्रिय-रक्षा-विश्वविद्यालयः सन् 2029 मध्ये आयोज्यमानानां विश्व-पुलिस-एवं-अग्निशमन-क्रीडानां अष्टक्रीडा-विधायाः आतिथ्यं करिष्यति। एषा भारतस्य कृते अस्मिन् अन्ताराष्ट्रिय-स्तरीय-आयोजने प्रथमा सहभागिता भविष्यति। तदर्थं विशेष-आयोजन-व्यवस्था, प्रशिक्षित-स्वयंसेवकानां दलं तथा अत्याधुनिकाः क्रीडा-सुविधाः विकसिताः क्रियन्ते।
अनेन सह सन् 2026 जनवरी-मासस्य 27 तः 30 दिनाङ्कपर्यन्तं गांधीनगर-नगरे अन्ताराष्ट्रिय-ओलम्पिक-अनुसन्धान-सम्मेलनस्य आयोजनं भविष्यति। अस्मिन् सम्मेलने देश-विदेशानां क्रीडा-विशेषज्ञाः, शोधकर्तारः तथा प्रशासकाः सहभागितां करिष्यन्ति। सम्मेलनकाले क्रीडा-शिक्षा, क्रीडा-प्रशासनं तथा निष्पक्ष-क्रीडा-सम्बद्धेषु विषयेषु विचार-विमर्शः भविष्यति, तथा राष्ट्रीय-डोपिंग-निरोधक-संस्थया सह डोपिंग-विरोधी-कार्यशाला अपि आयोजिता भविष्यति।
माध्यमान् प्रति अपि अवगतं कारितं यत् सन् 2026 जनवरी-मासस्य 10 दिनाङ्के गांधीनगर-नगरे ‘नाइट-रन’ इति क्रीडा-कार्यक्रमस्य आयोजनं भविष्यति। अस्मिन् आयोजने सामान्य-नागरिकाः, सुरक्षा-बल-सदस्याः तथा दिव्याङ्ग-क्रीडकाश्च सहभागितां करिष्यन्ति। अस्य आयोजनस्य उद्देश्यं स्वास्थ्यं, सुरक्षा तथा ओलम्पिक-मूल्यानां प्रति जन-जागरूकतायाः वर्धनम् अस्ति।
कुलपतिः प्रो. (डॉ.) बिमल-एन्. पटेलः अवदत् यत् एताः सर्वाः उपक्रमाः भारतवर्षे क्रीडा-संस्कृतेः सुदृढीकरणं करिष्यन्ति तथा गुजरातम् अन्ताराष्ट्रिय-क्रीडा-आयोजनानां प्रमुख-केन्द्ररूपेण स्थापयितुं महत्तां सिद्ध्यन्ति।
---------------
हिन्दुस्थान समाचार