वाराणसी, २८ दिसम्बरमासः (हि.स.)। वाराणसीजनपदस्थ कोशलेश-नगरस्य मध्ये राष्ट्रीय-स्वयंसेवक-सङ्घेन आयोजिते हिन्दू-सम्मेलने, कोशलेश-नगर-नागरिक-समितेः सचिवः प्रमीलपाण्डेयः अवदत् यत्— पूर्वं वयं मुगलेभ्यः दासत्वेन अजीवाम, ततः आङ्ग्लैः अपि दासीकृताः। स्वातन्त्र्य-प्राप्तेऽपि भारतवर्षे मत-बैंक-तुष्टीकरणकारणात् वयम् अनेकानि दशकानि दासत्वं सहन्तः आस्म। आङ्ग्लाः गताः, किन्तु मैकाले-शिक्षा-नीतिः अस्मासु आरोपिता। अस्माकं संस्कृतिः पीडिता, अस्माकं मूल-धार्मिक-भावनाः च कालात् कालम् आघातिताः। तेन उक्तं यत्— हिन्दू-सम्मेलनेषु स्थानीय-स्तरे घटितानाम् अत्याचाराणां विषयः विमर्शाय उपस्थापनीयः। स्वतन्त्र्यभारते हिन्दुत्वस्योपरि कृतानां प्रहाराणां विषये अद्यतन-यूनां ज्ञानम् अत्यावश्यकम्। औरङ्गजेबेन ध्वंसितानि मन्दिराणि अस्माभिः स्मर्यन्ते, किन्तु स्वतन्त्रभारते महामना-महोदयेन निर्मितं सङ्घ-भवनं वयं विस्मृतवन्तः। तद्भवनम् आपात्काले २२ फरवरी १९७६ तमे दिने ध्वंसितम्, येन हिन्दू-जनमानसस्य समक्षं दर्पणं दर्शितम्। यः स्वतन्त्रभारते अत्यन्तं घृणितापराधेषु एकः आसीत्। अधुना राष्ट्रीय-स्वयंसेवक-सङ्घः शताब्दी-वर्षं आचरति; अतः अस्माभिः न कदापि विस्मरणीयं यत् महामना-महोदयेन निर्मिते ऐतिहासिकभवने सङ्घ-भवनम् आसीत्। तस्य ऐतिहासिकाः तथ्याः लुप्तीकृताः; तेषां जागरणम् आवश्यकम्। वयं शिवाजी-महाराज्ञः तथा महाराणा-प्रतापस्य गुणान् गायामः; तथापि आत्मावलोकनमपि आवश्यकम्। स्व-धरोहराणाम् ऐतिहासिक-सांस्कृतिक-तथ्यानां संरक्षणाय हिन्दूनां सङ्गठनं अत्यावश्यकम्।

कार्यक्रमस्यारम्भः भारत-मातुः चरणयोः पुष्पाञ्जलि-समर्पणेन तथा दीप-प्रज्वलनेन अभवत्। कार्यक्रमे गीता-श्लोक-पाठः, मातृशक्ति-प्रस्तुतिः, एकल-गीतं, शिव-स्तुतिः इत्यादीनां भव्यं प्रस्तुतीकरणमभवत्। मञ्चासीनाः वक्तारः अरविन्दः, धर्माचार्यः आशीषः, मातृशक्तिः शैल-सिंहः अपि सम्मेलनं सम्बोधितवन्तः। कार्यक्रमस्य सञ्चालनम् अङ्कितः ओझा कृतवान्, तथा धन्यवाद-ज्ञापनं प्रकाशविपिनसिंहः कृतवान्। कार्यक्रमे प्रमुखतया उपस्थिताः— कुलाधिपतिः आचार्यः जयप्रकाशलालः (केन्द्रीय-विश्वविद्यालयः, झारखण्डः), करुणाकररायः, आनन्दमिश्रनूतनः, भूपेन्द्रसिंहः, बबनप्रसादरायः, कैलाशनाथश्रीवास्तवः, सुनीलपाण्डेयः, अंशुमालीसिंहः, अयोध्याप्रसादशुक्लः, दीनानाथसिंहः ‘मुन्ना’, डॉ.उमेशरायः, हरीसहायतिवारी, कैलाशतिवारी, भगवत्सिंहः, ओमप्रकाशरायः, डॉ.सुरेन्द्रश्रीवास्तवः, पुष्पाश्रीवास्तवः, देवेन्द्रः इत्यादयः आसन्।

हिन्दुस्थान समाचार / अंशु गुप्ता