Enter your Email Address to subscribe to our newsletters
नगांवः (असमः), 29 दिसंबरमासः (हि.स.)।
असमराज्यस्य मुख्यमन्त्री डॉ हिमन्त बिस्व सरमा बटद्रवा इत्यस्य पावितभूमौ दृढं सन्देशं दत्वा अवदत् यत् असमे जातीयानां आस्थास्थानपर्यन्तं कस्यापि अज्ञातस्य व्यक्तेः प्रवेशो निवासो वा न अनुमन्यः। अस्य संकेतः बाङ्गलादेशदेशीयान् मुसलमानान् प्रति आसीत्। सः स्पष्टशब्दैः अवदत् यत् असमस्य सांस्कृतिक सामाजिक आध्यात्मिक च परिचयरक्षणं सर्वेषां सामूहिकं दायित्वम् अस्ति।
श्रीमन्तशङ्करदेवस्य पवित्राविर्भावक्षेत्रस्य विकासकार्यानाम् उद्घाटनसमये सोमवासरे आयोजितायाम् विशेषजनसभायाम् उपसंहरन् मुख्यमन्त्री अवदत् — “कश्चन अपि अचिह्नीतो वा अज्ञातः वा व्यक्ति असमे न वसेत्, इत्यर्थं समाजेन सावधानं भवितव्यम्।” तेन दृढतया उक्तं यत् असमस्य परम्परा नववैष्णवसंस्कृतिश्च कस्यापि प्रकारेण न संधायितुं शक्या।
मुख्यमन्त्रिणा धार्मिक सांस्कृतिक च विषयेषु अपि स्पष्टो दृष्टिकोनः स्वीकृतः। सः अवदत् यत् महापुरुषः श्रीमन्तशङ्करदेवः अन्येन केनचित् धार्मिकव्यक्तित्वेन सह बलात् एकीकरणीयो न भवेत्। सः अवदत् — “शङ्करदेवम् अजानफकीरनाम्ना पुरुषम् एकरूपेण प्रस्तोतुं प्रयासं मा कुरुत। शङ्करदेवस्य चिन्तनं दर्शनं योगदानं च अद्वितीयम्।”
तस्मात् पूर्वं केन्द्रीयगृह मन्त्री अमितशाह नामकस्य बटद्रवस्य पवित्रगुरोः आसने पारम्परिकगामोच्छेन पाटरेशमचेलनया मुखाशिल्पेन गुरुआसनस्य पवित्रचिह्नचित्रेण च सत्कारः कृतः। मुख्यमन्त्रिणा अस्मिन् पुण्यस्थले केन्द्रीयगृह मन्त्रिणः स्वागतस्य अवसरलाभेन स्वं गौरवितम् इति निगदितम्।
स्वस्य भाषणस्य कालखण्डे मुख्यमन्त्रिणा महापुरुषस्य श्रीमन्तशङ्करदेवस्य परमशिष्यस्य असमे नववैष्णवधर्मप्रचारकस्य महापुरुषस्य श्रीश्रीमाधवदेवस्य विरचितां घोषां अपि स्मृत्याऽनुस्मृत्य तां आध्यात्मिकानुभूतिक्षणत्वेन निरूपितम्।
अस्मिन् अवसरे बहुसंख्यकाः श्रद्धालवः वैष्णवसमाजस्य प्रतिनिधयः सन्तमहात्मानः सामान्यजनाश्च उपस्थिताः आसन्, येन कार्यक्रमः असमस्य सांस्कृतिक आध्यात्मिक च चेतनायाः शक्तिशालीप्रतीकः अभवत्।
---------------
हिन्दुस्थान समाचार