रायपुरम्, 29 दिसम्बर-मासः (हि. स.)। भारतीय-जनता-पक्षस्य प्रदेश-प्रवक्त्री शताब्दी-पाण्डेया छत्तीसगढ-शासनेन2026-तमं वर्षं ‘महतारी-गौरव-वर्षम्’इति उद्घोष्य कृतायाः घोषणायाः विषये प्रदेशस्य मुख्यमन्त्री विष्णुदेव-सायं राज्य-सर्वकारञ्च प्रति छत्तीसगढस्य समस्तमातृशक्तेः पक्षतः आभारं प्रकटितवती। अद्य सोमवासरे पाण्डेया अवदत् यत् एषा घोषणा छत्तीसगढस्य समस्तमातृशक्तेः सम्मानम् अस्ति, तथा च छत्तीसगढस्य संस्कृतेः परम्परायाश्च सम्मानमपि अस्ति।

भाजपा-प्रदेश-प्रवक्त्री पाण्डेया अवदत् यत् शासनद्वारा सञ्चालिता महतारी-वन्दन-योजनामाध्यमेन प्रदेशस्य सर्वासां महिलानां जीवनेवास्तविकं परिवर्तनं दृश्यते। एषा योजना न केवलम् आर्थिक-सहायता, अपि तुनारी-सम्मानस्य आत्मनिर्भरता-आधारस्य च प्रतिष्ठा अस्ति। महतारी-वन्दन-योजनया महिलाः स्वाभिमानेन बालानां शिक्षा, स्वास्थ्यं तथा गृह-आवश्यकताः पूरयितुं समर्थाः अभवन्। अनेन परिवारस्य आर्थिक-स्थैर्यं सुदृढीकृतम्। एवमेव एषा योजना गृहकार्येषु, कृषिक्षेत्रे तथा स्वरोजगारे च महिलानां संयोजने सहायकी अभवत्। महिलाः स्वकीयाः निर्णयाः स्वयमेव स्वीकर्तुं समर्थाः सन्ति, परिवारस्य आर्थिक-योजनासु च सहभागिन्यः भवन्ति। श्रीमती पाण्डेया अवदत् यत् एषा योजनादूरस्थ-ग्रामेषु स्थितानां भगिनीनां कृते नियमितम् आर्थिक-सम्बलं प्रदत्तवती। तेन पोषणे, स्वास्थ्ये, बालानाम् अध्ययनक्षेत्रे च सकारात्मकः प्रभावः जातः। यदा एषा योजनाबिहान-योजनायाः, मितानिन-योजनायाः, महिला-स्व-सहायतायाः समूहैः सह संयुक्ता, तदा महिलानाम् आयः, सम्मानम्, आत्मविश्वासश्च त्रयमपि वर्धितम्।

भाजपा-प्रदेश-प्रवक्त्री पाण्डेया अवदत् यत् महतारी-वन्दन-योजना एतत् प्रमाणयति यत्यदा महिलाः सशक्ताः भवन्ति, तदा छत्तीसगढं समृद्धेः मार्गे तीव्रगत्या अग्रसरः भवति। पाण्डेया अवदत् यत् प्रदेशविकासस्य केन्द्रे महिलानां सहभागितां सुनिश्चित्य प्रदेश-सर्वकारेणमातृ-शक्तेः गौरव-वर्धनाय 2026-तमे वर्षे यः संकल्पः व्यक्तः, सःसुदृढस्य, सशक्तस्य, विकसितस्य च छत्तीसगढस्य परिकल्पनां धरातले साकारकरणदृष्ट्या अभिनन्दनीयः अस्ति।

---------------

हिन्दुस्थान समाचार / अंशु गुप्ता