शिमला, 31 दिसम्बरमासः (हि.स.)। नववर्षस्य उत्सवाय देशस्य सर्वेभ्यः भागेभ्यः विपुलसंख्यायां पर्यटकाः शिमलां प्रति आगच्छन्ति। नववर्षपूर्वसन्ध्यायां राजधानी शिमला पर्यटकैः पूर्णतया शोभायमानं दृश्यते। प्रतिदिनं प्रायः अष्टसहस्रात् दशसहस्रपर्यन्तं वाहनानि शिमलां प्राप्नुवन्ति। अनेन नगरस्य तथा समीपवर्ती क्षेत्राणां गमनागमनं अत्यधिकं वर्धितम् अस्ति। पर्यटकानां भारी आगमनं दृष्ट्वा जिलाप्रशासनं तथा पुलिसविभागः कानूनव्यवस्थायाः तथा यातायातस्य सुचारु-परिचालनाय विशेषव्यवस्थाः कृतवान्।

नववर्षोत्सवे शिमलायां स्थिताः अतिथिशालाः (होटेलाः) प्रायः पूर्णाः सन्ति। अतिथिशालानां अधिवासः (ऑक्यूपेन्सी) 90 प्रतिशततः 100 प्रतिशतपर्यन्तं प्राप्तः अस्ति। कालका-शिमला रेलमार्गे सञ्चालिताः रेलयानानि अपि पूर्णतया यात्रिकैः परिपूर्णानि दृश्यन्ते। रिज-मैदानस्थे शीतकालीन-कर्निवाले (Winter Carnival) अपि पर्यटकाः विशालसंख्यायां आगत्य हिमाचलीय-संस्कृतेः, लोकनृत्यस्य तथा पारम्परिक-कार्यक्रमाणां आनन्दं अनुभवन्ति। अयं कर्निवालः पर्यटकानां कृते विशेषाकर्षणकेन्द्रं जातम् अस्ति।

पर्यटकानां वर्धमानसंख्यया यातायातव्यवस्थायाम् अपि भारः वर्धितः अस्ति। कालका-शिमला राष्ट्रिय-राजमार्गे शिमलाप्रवेशद्वारे बुधवासरस्य प्रातःकालात् एव वाहनानां दीर्घाः पङ्क्तयः दृश्यन्ते। शिमला-बाइपासतः ओल्ड-बस-स्टैण्डपर्यन्तं प्रायः त्रि-किलोमीटर-दूरीं पारयितुं वाहनचालकैः एकात् अर्धद्विघण्टापर्यन्तं समयः व्ययः भवति। नगरस्य अधिकांशाः पार्किङ्ग-स्थलाः अपि पूर्णतया पूरिताः सन्ति, येन वाहनस्थापनाय जनानां कष्टं भवति।

नववर्षोत्सवकाले शान्ति-सुरक्षयोः संरक्षणाय शिमला-पुलिसेन कठोरः सुरक्षा-योजना लागू कृता अस्ति। नगरं पञ्चसु क्षेत्रेषु विभक्तं कृत्वा प्रत्येकस्मिन् क्षेत्रे एकः वरिष्ठाधिकारी नियुक्तः अस्ति। समग्रतया चतुशताधिकाः पुलिस-जवानाः नगरे तैनाताः सन्ति। यातायातनियन्त्रणाय अतिरिक्तः पुलिसबलः अपि नियोजितः अस्ति।

अद्य प्रातः शिमलाया उपायुक्तः अनुपम कश्यपः तथा पुलिस-अधीक्षकः संजीव कुमार गांधी मॉल-रोडं गत्वा पर्यटकैः सह संवादं कृतवन्तौ। तौ पर्यटकानां अभिप्रायं (फीडबैक) स्वीकृतवन्तौ तथा नववर्षस्य शुभेच्छाः अपि प्रदत्तवन्तौ। अधिकारीणः पर्यटकान् आश्वासितवन्तः यत् तेषां सुरक्षा तथा सुविधा प्रशासनस्य सर्वोच्चा प्राथमिकता अस्ति।

पुलिस-अधीक्षकः संजीव कुमार गांधी अवदत् यत् नववर्षपूर्वसन्ध्यायां पर्यटकानां तथा स्थानीयजनानां गमनागमनं अत्यधिकं भवति। एतत् दृष्ट्वा पूर्वमेव संवेदनशीलानि तथा भीडयुक्तानि क्षेत्राणि चिन्हितानि सन्ति। सर्वेषु प्रमुखस्थलेषु सुरक्षा-व्यवस्था दृढीकृता अस्ति। पूर्ववर्षानुभवानां आधारेण यातायात-नियमनाय नियन्त्रण-बिन्दवः स्थापिताः सन्ति, येन यातायातः सुचारुरूपेण प्रवर्तते। पर्यटकानां सुविधायै एकः सुविधा-केन्द्रः (फैसिलिटी काउण्टर) अपि स्थाप्यते, यत्र आवश्यकसूचनाः तथा मार्गदर्शनं लभ्यते।

मौसमस्य विषये कथ्यते चेत्, अद्य शिमलायां मेघाच्छन्नं वातावरणं दृश्यते तथा शीतं वर्धितम् अस्ति। मौसमविभागेन अद्य तथा श्वः हिमपातस्य सम्भावना व्यक्ता कृता अस्ति। अनेन पर्यटकानां मध्ये विशेषः उत्साहः दृश्यते।

हिन्दुस्थान समाचार