रायपुरम् 25 फरवरीमासः (हि.स.)। छत्तीसगढ़स्य राजधानीनगरस्य रायपुरस्य केन्द्रीयकारागारे मङ्गलवासरे कश्चन अद्भुतदृश्यं दृष्टमस्ति। अत्र कारागृहबन्दिनां कृते महाकुम्भात् आनयितं पवित्रसङ्गमजलं स्नानाय विशेषतया व्यवस्थितम्। अस्मिन् विशेषसन्दर्भे प्रदेशस्य 5 केन्द्रीयकारागारेषु, 20 जिलाकारागारेषु, 8 उपकारागारेषु च बन्दिनः प्रभाते 8 वादने गङ्गाजलेन अमृतस्नानं कृतवन्तः। येन तेषाम् आध्यात्मिकशुद्धये अवसरः प्राप्तः। एषः कार्यक्रमः कारागारप्रशासनस्य प्रयत्नेन आयोजितः, यस्य लक्ष्यं कारागारबन्दिनः धर्मे, अध्यात्मनि, सनातनसंस्कृतौ च संयोजयितुं अस्ति।

उल्लेखनीयं यत् एतत् गङ्गाजलं छत्तीसगढ़स्य गृहमन्त्रिणा विजयशर्मेण इदानीन्ते महाकुम्भात् कारागारबन्दिनां कृते आनयितम्। बन्दिनः अस्य स्नानस्य माध्यमेन मानसिकस्य आत्मिकस्य च शान्तेः प्रप्तिं प्रत्याशां व्यक्तवन्तः। अस्य आयोजनस्य कृते कारागारपरिसरे विशेषतः टङ्काः कुण्डानि च निर्मितानि। यत्र विधिवद् पूजा-अर्चना मन्त्रोच्चारश्च सम्पादिताः, यत्र च गङ्गानद्याः पवित्रं जलं पूरितम्। एषु कुण्डेषु गुलाबस्य पङ्क्तयः अपि स्थापिताः येन वातावरणं पूर्णरूपेण आध्यात्मिकं जातम्।

अस्मिन् पवित्रस्नानसमये बन्दिनः हर-हर गङ्गे इत्येवं घोषम् अकुर्वन्, धार्मिकभावनया परिवेषणं भक्तिपूर्णमभवत्।

---------------

हिन्दुस्थान समाचार / ANSHU GUPTA