कोलकाता, 17 मार्चमासः (हि. स.)।पश्चिमबंगालस्य मुख्यमंत्री ममताबेनर्जी प्रख्यातशिक्षाविदं साहित्यसिद्धांतज्ञं च प्रोफेसरं गायत्री चक्रवर्ती स्पिवाकं होलबर्गपुरस्कारं प्राप्तवतीति ज्ञात्वा अभिनन्दितवती। सा उक्तवती यत् एतेन पुरस्कारप्राप्त्या सम्पूर्णराज्याय गौरवस्य अनुभूतिः जाता।

मुख्यमंत्री ममताबेनर्जी सोमवासरे ट्वीट् कृत्वा लिखितवती यत् अहम् अस्माकं प्रोफेसरं गायत्री चक्रवर्ती स्पिवाकं अन्यतमं शीर्षस्थं अन्तरराष्ट्रीयसम्मानं प्राप्तवतीति अभिनन्दयामि। सा अस्य वर्षस्य नॉर्वेदेशस्य प्रतिष्ठितं होलबर्गपुरस्कारं कृते चयनिता, यः मानविकी-सामाजिकविज्ञानक्षेत्रयोः सर्वोच्चं सम्मानं मन्यते। अस्य उपलब्ध्या सा अस्मान् सर्वान् गौरवान्वितवती।

गायत्री चक्रवर्ती स्पिवाक सा स्वस्य साहित्यिकसिद्धांतैः दार्शनिकविचारैः च विश्वप्रसिद्धा। किन्तु मुख्यमंत्री ममताबेनर्जी तस्याः समाजसेवायाः कार्याणां अपि प्रशंसा कृतवती। सा उक्तवती यत् पश्चिमबंगालस्य दूरस्थग्रामेषु दरिद्राणां सेवायाः तस्याः संकल्पः अति प्रेरणादायकः। तस्मात्, सा बाङ्ग्लासाहित्यस्य कालजयी कृतिनाम् आङ्गलभाषायाम् अनुवादे कृतप्रयत्नानां अपि प्रशंसा कृतवती।

मुख्यमंत्री तां हार्दिकशुभकामनाः दत्त्वा, तस्याः उज्ज्वलभविष्योः कामना कृतवती।

हिन्दुस्थान समाचार / ANSHU GUPTA