कोलकातानगरम्, 01 अप्रैलमासः (हि. स.)। पश्चिमवङ्गदेशस्य भारतीयजनता दलस्य (भाजपा)12 नेतृणां प्रतिनिधिदलः दिल्लीनगरे त्रिपक्षीयसभायां भागं ग्रहीष्यति। केन्द्रसर्वकारेण आहूतायाः अस्य सभायाः उद्देश्यं दार्जिलिङ्ग, कार्सियाङ्ग, कालिम्पोङ्ग पर्वतानां स्थायीराजनैतिकसमाधानस्य विषये विचारः करणीयः इति अस्ति। अप्रैल-मासस्य 2 दिनाङ्के राष्ट्रिय-राजधान्यां सभा भविष्यति, यस्य कृते प्रतिनिधिदलस्य सदस्याः सोमवासरस्य मध्याह्ने देहलीनगरं प्रति प्रस्थितवन्तः।

प्रतिनिधिमण्डले 11 भाजपा-विधायकाः, एकः लोकसभा-सदस्यः च सन्ति। दलस्य नेतृत्वं दार्जिलिङ्ग-मण्डलस्य भाजपा-सदस्यः राजु बिष्ट-वर्यः करिष्यति। तेन सह सिलिगुडी-मण्डलस्य विधायकः, पश्चिमवङ्ग-विधानसभायाः भाजपा-दलस्य मुख्य सचेतक डा. शङ्कर-घोषः च भविष्यति। एतदतिरिच्य, दार्जिलिङ्ग-मण्डलस्य विधायकः नीरज जिम्बा, फांसीदेवा-मण्डलस्य दुर्गा मुर्मू, माटिगारा-नक्सलबारी-मण्डलस्य आनन्दमय बर्मन, नागरकट्टा पुना भेङ्गरा, कालचीनी विशाल लामा, डावग्राम-फुलबारी-जनपदस्य शिखा चटर्जी, माथाभङ्गा-जनपदस्य सुशील बर्मन, तूफानङ्गञ्ज-मण्डलस्य मालती राभा राय, मयनागुडी-मण्डलस्य कौशिक् राय्, गजोल्-जनपदस्य चिन्मय देब बर्मन च प्रतिनिधिदले भागं ग्रहीष्यन्ति।

सभाम् अराजनैतिकम् इति वर्णयन् बिष्टः अवदत् यत्, सम्भवतः केन्द्रसर्वकारस्य समीपे पर्वतानां विकासाय दृढयोजना अस्ति, अतः इयं त्रिपक्षीय-सभा आहूता। दार्जिलिङ्ग-पर्वतानां विकासस्य पक्षे स्थिताः सर्वाः पक्षाः अस्मिन् सभायां उपस्थिताः भवेयुः। भाजपा-विधायकः डा. शङ्कर-घोषः अवदत् यत् प्रधानमन्त्री-नरेन्द्र-मोदी-वर्यस्य नेतृत्वे केन्द्रसर्वकारेण उत्तरवङ्गस्य विकासाय अनेकानि पदानि स्वीकृतानि, परन्तु इतोऽपि अधिकप्रयासानां आवश्यकता अस्ति इति। परन्तु, तृणमूल-काङ्ग्रेस-पक्षः सभायाः विषये प्रश्नान् उत्थापयत्। दार्जिलिङ्ग हिल इत्यस्य अध्यक्षः तथा राज्यसभायाः पूर्वसदस्यः सान्ता छेत्री अवदत् यत्, अस्माभिः अस्य मेलनं न ज्ञातम्। भाजपा-पक्षः सर्वदा पर्वतेषु राजनीतिं कुर्वन् आसीत्, तथापि वास्तविकविकासस्य विषये न अवधानं दत्तम्। एतत् मेलनं केवलं प्रदर्शनम् एव इति।

हिन्दुस्थान समाचार / ANSHU GUPTA