भोपाल, 3 अप्रैलमासः (हि.स.)। राजधानी भोपालस्य श्यामलापर्वते स्थिते राज्यसंग्रहालये गुरुवासरे सुप्रसिद्धस्य पुरातत्त्वविदपद्मश्री विष्णुश्रीधरवाकण्करस्य पुण्यतिथौ व्याख्यानमालायाः आयोजनं भविष्यति। कार्यक्रमस्य शुभारम्भः प्रातः 11 वादनतः भविष्यति।

अस्मिन् कार्यक्रमे मुख्यवक्तारौ भारतीयपुरातत्त्वसर्वेक्षणस्य, नवदिल्लीस्थस्य महानिर्देशकः प्रो. आलोकत्रिपाठी तथा भारतीयपुरातत्त्वसर्वेक्षणस्य, भोपालमण्डलस्य क्षेत्रीयनिदेशकः डॉ. भुवनविक्रमः भविष्यतः। अस्मिन् अवसरे डॉ. वाकण्करस्य शोधेषु आधृतानां छायाचित्राणां प्रदर्शनी अपि आयोजिता भविष्यति। कार्यक्रमस्य आयोजनं डॉ. विष्णुश्रीधरवाकण्करपुरातत्त्वशोधसंस्थानं, भोपाल द्वारा क्रियते।

हिन्दुस्थान समाचार / ANSHU GUPTA