कोलकाता, 12 जूनमासः (हि.स.)।आगामिनि २७ जून दिनाङ्के आयोजनीया रथयात्रा-संस्थापनस्य तयारीपर्यवेक्षणाय मुख्यमन्त्री ममता बनर्जी महोदया गुरुवासरे राज्य-सचिवालये नवान्ने उच्चस्तरीय-समीक्षा-सभा आह्वास्यन्ति।भगवतः जगन्नाथस्य स्नान-यात्रा पूर्वमेव समापनं प्राप्तवती। एषा परम्परा ओडिशाराज्ये स्थिते पुरी-नगरे शताब्द्यधिककालात् श्रद्धया अनुष्ठीयते। अस्याः अनुकरणेन पश्चिमबंगस्य दीघानगरे नवसंपन्ने जगन्नाथमन्दिरे अपि स्नानयात्राया भव्य-आयोजनं सम्पन्नम्।विशेषतया उल्लेखनीयं यत् मुख्यमन्त्री ममता बनर्जी महोदया स्वबगिचायाः आम्रफलानि कटहलफलानि च भगवते जगन्नाथाय समर्पितवन्त्यः।अद्य मुख्यमन्त्रिणा रथयात्राया आयोजनं प्रति महत्वपूर्णं एकम् उपवेशनं नवान्ने आयोज्यते।अस्मिन् समावेशे मुख्यसचिवः, गृहमन्त्रालयसचिवः, राज्यपुलिस-महानिर्देशकः, अन्ये च वरिष्ठाधिकारीणः उपस्थिताः भविष्यन्ति।मुख्यमन्त्री एतस्मिन् समावेक्षे रथयात्राया आयोजनस्य सर्वांगीणं मूल्याङ्कनं करिष्यन्ति। रथयात्राया समये कोलकाता-नगरे अपि अतिव्यापकः जनसमागमः दृश्यते।विशेषतया इस्कॉन्-संस्थया आयोजिता रथयात्रा अतीव भव्यतया निष्पद्यते। एतद्विशेषं दृष्ट्वा सुरक्षा-विन्यासानां व्यवस्थायाः च विषये विशेषमध्यवसायः कर्तव्यः इति सन्निधानायै चर्चा क्रियते।इस्कॉन्-संस्थायाः प्रतिनिधयः अपि अस्मिन् समावेशे आमन्त्रिताः सन्ति।नानाजनपदेषु जिलाधिकारीणः, पुलिस-अधीक्षकाः च अपि उपस्थितिः अपेक्षिता अस्ति।एतस्मिन् वर्षे कोलकातानगरे सह दीघायामपि रथयात्रा-आयोजनं केन्द्रीयं विषयत्वेन समुत्थितम्। अक्षय-तृतीयायाम् दिनाङ्के मुख्यमन्त्रिणा दीघायां नव-निर्मितस्य जगन्नाथ-मन्दिरस्य उद्घाटनं सम्पन्नम्।अतएव दीघायाः आयोजने अपि राज्यस्य शासनम्, श्रद्धालवर्गः च विशेषं ध्यानं यच्छन्ति।दीघायां प्रथमवारं रथयात्रा आयोज्यते, यस्मिन् जगन्नाथः, बलरामः, सुभद्रा च पृथक्-पृथक् रथेषु ध्वजायमानाः मौसिघर इत्याख्यं स्थानं प्रति प्रस्थानं करिष्यन्ति। गौरवतः ज्ञेयम् यत् ११ जून दिनाङ्के दीघायामपि भगवतः जगन्नाथस्य स्नानयात्रा समपिता। राज्यशासनं अपेक्षते यत् रथयात्रायाः दिने दीघायां अतिव्यापकः पर्यटक-सङ्गमः भविष्यति। अतः श्रद्धालूनां सुविधा-सुरक्षा इत्यादिषु विस्तीर्णः विन्यासः आयोज्यते।दीघायां छत्तिंशचक्रयुक्ताः त्रयः विशालरथाः निर्मिताः – नन्दघोषः, तालध्वजः, देवदालनः च। मन्दिरपरिसरे अष्टद्वाराणि सन्ति, परन्तु रथयात्रा कस्य द्वारतः प्रस्थितव्या इति अद्यापि अनिर्णीतम्।प्रशासनस्य प्रयासेन मार्गे विद्यमानाः सर्वे विघ्नकारकाः – विद्युत्-तन्तवः, वृक्षशाखाः, अन्यविघ्नजनकवस्तूनि च – निराकृतानि।

हिन्दुस्थान समाचार