Enter your Email Address to subscribe to our newsletters
पानीपतम्, 12 जूनमासः (हि.स.)।राजस्व-संकलन-विभागस्य, आपदाप्रबन्धनविभागस्य, स्थानीय-निकाय-विभागस्य च नागरिक-विमान-उड्डयन-विभागस्य मन्त्री श्रीमान् विपुल-गोयलः गतगुरुवासरे पानीपत-नगरस्य सूचना-जनसम्पर्क-भाषा-विभागेन आयोजिता प्रदर्शन्याः उद्घाटनं कृतवान्। तस्मिन्नवसरे मन्त्री विपुल-गोयलः अहमदाबादे जाता यान-दुर्घटनां प्रति गम्भीरं खेदं व्यक्तवान्। सः उक्तवान् यत् अस्य दुःखद्-अनिष्ठायाः कारणेन सम्पूर्णं राष्ट्रं विषण्णतां अनुभवति। दुर्घटनायाम् मृतानां घायलानां च प्रति सः हार्दां संवेदनां प्रकटितवान्।
सः अपि अवदत् यत् प्रधानमन्त्री नरेन्द्र-मोदी-महोदयस्य नेतृत्वे भारतीयजनतापक्षस्य सरकारेण एकादशवर्षाणि यशस्वितया पूर्णानि कृतानि। एते केवलं शासनस्य एकादशवर्षाणि न सन्ति, अपि तु राष्ट्रनिर्माणस्य सुवर्णपृष्ठानि इत्येव।
महिला-सशक्तिकरणम्, नारीशक्तेः सम्मानः च उत्थानं च, बेटी बचाओ, बेटी पढ़ाओ, मातृत्व-लाभ-योजना, उज्ज्वला-योजना च इत्यादयः योजनाः स्त्रीणां जीवनं गौरवयुक्तं सुरक्षितं च कृतवत्यः।
स्त्रीभ्यः स्वरोजगारं, स्टार्टअप् उद्यमिता च अपि प्रोत्साहयित्वा, ताभ्यः ऋण-सहायता च दत्तवती राज्य-सरकार आत्मनिर्भरता-पथि ताः प्रेरितवती।
स्त्री-सुरक्षायै कठोराणि विधेयकानि निर्माय, न्यायप्रणालीं च सशक्तीकृत्य, प्रत्येकायै कन्यायै स्त्रियै च न्यायं सुरक्षा च प्रतिश्रुतम्।
श्रीमान् विपुल-गोयलः अवदत् यत् स्टार्टअप् इंडिया, मेक इन इंडिया, डिजिटल् इंडिया इत्यादिभिः अभियानेषु युवानां कृते नव्याः उद्यम-रोजगार-संधयः स्रष्टाः।
प्रधानमन्त्रिणः कौशल-विकास-योजना-अन्तर्गतं कोटिशः युवानां कृते तांत्रिकं व्यवसायिकं च प्रशिक्षणं दत्तं येन ते स्वावलम्बनं प्रति सन्नद्धाः जाताः।
अस्मिन्नेव अवसरस्य सन्दर्भे प्रदेशस्य शिक्षामन्त्री श्रीमान् महिपाल् ढाण्डा, पानीपत्-शहरी-विधानसभा-प्रत्याशी प्रमोद-विज्, भाजपा-जिलाध्यक्षः दुष्यन्त-भट्टः, महापौरः कोमल् सैनी, मण्डल-अध्यक्षाः च अन्ये च पदाधिकारिणः उपस्थिताः आसन्।
---------------
हिन्दुस्थान समाचार