मुख्यमंत्री स्वीकृतवान् ड्रोन इमेजिंग एंड इंफॉर्मेशन सर्विसेज ऑफ हरियाणा लिमिटेड इत्यस्य उपवेशनम्

चंडीगढम्, 12 जूनमासः (हि.स.)।

हरियाणाराज्ये ‘दृश्या’ संस्थायाः निदेशक-मण्डलस्य बैठकायाः निर्णया। गते गुरुवासरे हरियाणाराज्यस्य मुख्यमन्त्री नायबसिंहसैनी महोदयस्य अध्यक्षतायाम् ड्रोन इमेजिंग एण्ड इन्फर्मेशन सर्विसेस् ऑफ् हरियाणा लिमिटेड (दृश्या) इत्यस्य संस्थायाः निदेशक-मण्डलस्य बैठकम् आयोजिता आसीत्। अस्यां बैठकायां राज्ये ड्रोन-तन्त्रज्ञानस्य विविधोपयोगानाम् विषये अनेकानि महत्वपूर्णानि निर्णयानि स्वीकृतानि।

मुख्यमन्त्रिणा आदेशः दत्तः यत् पायलट् परियोजनारूपेण कृषी-स्वास्थ्यनिरीक्षणाय च रोग-परीक्षणाय च ड्रोन-यन्त्रस्य उपयोगः करणीयः। अनेन कृषकाः समये सूचनां प्राप्य फसलहानेः निरोधं कर्तुं शक्नुवन्ति।

मुख्यमन्त्री सैनी महोदयः अपि सुझावं दत्तवान् यत् पायलट्-चरणे आलूक, चणकः, कर्पासः, धान्यं, शाकवर्गः इत्यादयः फसलाः समावेशनीयाः, यत्र सामान्यतः रोगाणां सम्भावना अधिका दृश्यते। तेन कृषकाणां उत्पादनं वर्धिष्यते, हानिः च न्यूनतां यास्यति।

मुख्यमन्त्रिणा एव निर्देशः दत्तः यत् ‘ड्रोन-दीदी-योजनायाः’ अन्तर्गतं प्रदेशे ५,००० महिलाभ्यः ड्रोन-तन्त्रस्य प्रशिक्षणं देयम्। दृश्या-संस्थायाः अधिकारिणः प्रति निर्देशः दत्तः यत् अगामिषु त्रैमासिके प्रायः ५०० महिलाभ्यः प्रशिक्षणस्य कार्ययोजना निर्मीयताम्। अयं उपक्रमः महिलाः तकनीकीरूपेण सशक्त्य स्व-जीविकायै सन्धीः दास्यति।

मुख्यमन्त्रिणा निर्देशः अपि दत्तः यत् ड्रोन-तन्त्रज्ञानस्य उपयोगः प्राकृतिक-कृषे विशेषतः जीवामृतस्य सेचनं क्रियेत।

दृश्या-संस्थायाः मुख्य-कार्यपालक-अधिकारी (CEO) श्री फूलकुमारः मुख्यमन्त्रिणं सूचितवान् यत् दृश्या इत्येन संस्था HT पावर-लाइन-निरीक्षणम्,विस्तीर्ण-मानचित्रणम्,आपत्काल-प्रबन्धनम्,यातायात्-निगमन-प्रबन्धनम्,

अनधिकृत-खनन-निगरक्षणम्,

कृषि-स्वास्थ्य-निरीक्षणम् इत्यादीनि कार्याणि सफलतया सञ्चालयति। विस्तीर्ण-मानचित्रण-परियोजनायाः अन्तर्गतं ६१०० वर्गकिलोमीटर् क्षेत्रं यावत् आवृतम्। इदानीं यावत् २१ HT पावर लाइनानां ६८० किलोमीटर् क्षेत्रस्य निरीक्षणं सफलतया सम्पन्नम्, येन समये नैकाः तकनीकी-दोषाः ज्ञाताः च परिष्कृताश्च। कृषकाणां प्रशिक्षण-कार्यक्रमेण अद्यावधि १३५ कृषकाः प्रशिक्षिताः सन्ति। एवं हरियाणाराज्ये दृश्या-संस्थायाः नेतृत्वेन ड्रोन-तन्त्रज्ञानं कृषौ, पर्यावरणे, आपत्काले, खनने च प्रभावकारीरूपेण प्रयुज्यते, तथा महिला सशक्तीकरणाय अपि नवदिशा उद्घाट्यते।

---------------

हिन्दुस्थान समाचार