भोपालम्, 14 जूनमासः (हि.स.)। अद्य शनिवासरः विश्वरक्तदातृदिवसः अस्ति। विश्वरक्तदातृदिवसः प्रतिवर्षं जूनमासस्य 14 दिनाङ्के आचर्यते।लोकान् रक्तदानार्थं प्रोत्साहयितुं, रक्तदानसम्बद्धसूचनानां विषये जनान् अवगतं कर्तुं च विश्वरक्तदातृदिवसस्य उत्सवस्य उद्देश्यं समावेशितम् अस्ति। मुख्यमन्त्री डॉ. मोहन यादवः विश्वरक्तदातृदिने रक्तदातृभ्यः नमस्कारं कृतवान्।

मुख्यमन्त्री डॉ. यादवः सामाजिकमाध्यमेषु पत्रप्रेषण कृत्वा लिखितवान् यत् विश्वरक्तदातृदिवसः प्रेरयति यत् रक्तदानं महत् दानं, जीवनदानं... रक्तदानं नरसेवतः नारायणसेवापर्यन्तं माध्यमं भवति, यत् अस्माकं प्रयत्नेन बहुमूल्यजीवनस्य वरदानं भवति। अस्मिन् अवसरे सर्वेभ्यः रक्तदातृभ्यः, ये स्वसद्गुणैः मानवतायाः अतुलनीयसेवाम् अकरोत्, तेभ्यः अहं नमस्कारं करोमि।

---------------

हिन्दुस्थान समाचार / ANSHU GUPTA