ओरांगः (असमः), 4 जूनमासः (हि.स.)। असमस्य ओराङ्गराष्ट्रियनिकुञ्जे अद्यकाले गम्भीरः जलप्रलयस्य स्थितिः उत्पन्ना अस्ति। धनसिरीपञ्चनै-ब्रह्मपुत्रयोः जलस्तरस्य आकस्मिकवृद्धेः कारणात् उद्यानस्य प्रायः ४० प्रतिशतं भागः निमग्नः अस्ति । उद्यानस्य दक्षिणभागे ब्रह्मपुत्र-धनसिरीपञ्चनै-नद्याः जलं प्रविश्य वन्यजीवानां संकटः वर्तते । यद्यपि बहवः पशवः सुरक्षिततरेषु उच्चस्थानेषु गतवन्तः तथापि स्थितिः अद्यापि अतीव आव्हानात्मका एव अस्ति ।

उद्यानस्य १२ शिबिरेषु जलप्रलयेन सर्वाधिकं प्रहारः कृतः, येषु खैराचली-बाली-शिबिरेषु जलस्य गभीरता सप्तपादपर्यन्तं प्राप्ता अस्ति एतेषु कठिनपरिस्थितौ अपि वनविभागस्य कर्मचारिणः नौकानां साहाय्येन निरन्तरं गस्तं कुर्वन्ति येन एकशृङ्गगण्डासहिताः अन्ये पशवः शिकारीभ्यः उद्धारिताः भवेयुः। सूचनानुसारं मंगलवासरस्य सायंकालात् धनशिरीनद्याः जलस्तरः तीव्रगत्या वर्धितः, यस्मात् कारणात् पूर्वभागे बहवः शिबिराः अकस्मात् प्लाविताः अभवन् उद्यानप्रशासनस्य अनुसारं स्थितिः निरीक्षिता अस्ति, आवश्यकानि पदानि अपि क्रियन्ते।

हिन्दुस्थान समाचार / Dheeraj Maithani