Enter your Email Address to subscribe to our newsletters
भोपालम्, 8 जूनमासः (हि.स.)।शासकीयस्वास्थ्यसंस्थायाम् अद्य (आदित्यवासरे) अवकाशदिने अपि प्रातः ९:०० वादनात् मध्यान्ह १२:०० वादनपर्यन्तं त्रयः होरापर्यन्तं बाह्यरोगीपरामर्शसेवा सञ्चालिता भविष्यति। अस्मिन् सम्बन्धे मुख्यचिकित्सकस्वास्थ्याधिकारी डॉ. प्रभाकरतिवारी महोदयेन उक्तं यत् द्विदिनात्मकं सततावकाशं विद्यमानम्, अतः अद्य अपि नियमितदिनेषु यथा सर्वे सेवाः दास्यन्ते। तेन उक्तं यत् सप्तमे जूनमासे ईदज्जुहा इत्यस्य पर्व आसीत्, अद्य च रविवासरः अस्ति। एतेन सततद्विदिनावकाशेन रोगिणां चिकित्सासेवनाय बाधा न भवेत् इति चिन्तयित्वा त्रिहोरात्मिका ओ.पी.डी. सञ्चालयितुं निर्देशाः प्रदत्ताः। चिकित्सकान् च पैरामेडिकल्-कर्मचारिणः च अपि तेषां कर्तव्ये उपस्थितिं सुनिश्चितुं निर्देशाः प्रदत्ताः सन्ति।
हिन्दुस्थान समाचार