Enter your Email Address to subscribe to our newsletters
नवदिल्ली, 01 सितंबरमासः (हि.स.)।भारतीयखोखोमहासंघस्य उपाध्यक्षः ओडिशाखोखोसंघस्य च महासचिवः प्रद्युम्नमिश्रनामकः क्रीडायाः प्रोत्साहनविकासयोः उत्कृष्टरूपेण योगदानं कृत्वा बीजूपटनायकक्रीडासम्मानः २०२४ इत्यनेन सम्मानितः जातः। अयं सम्मानः राष्ट्रियक्रीडादिवसे भुवनेश्वरनगरे जयदेवभवने आयोजिते विशेषसमारोहे ओडिशाराज्यपालेन डॉ० हरिबाबूकम्भम्पतिना प्रदत्तः।
बीजूपटनायकक्रीडासम्मानस्य २०२४ अन्तर्गतम् अनेकेषु क्रीडाविधासु उत्कर्षं योगदानं च कृतवन्तः क्रीडकाः क्रीडाविशारदाश्च सम्मानिताः। प्रद्युम्नमिश्रेण सह भारतस्य शीघ्रतमधावकः अनीमेशकुजुरनामकः १०० मीटर् २०० मीटर् च स्पर्धासु राष्ट्रियकीर्तिमानं स्थापयित्वा २०२५ तमे विश्वक्रीडाप्रतियोगितायाः पात्रतां प्राप्य सम्मानं प्राप्तवान्। भारोद्धारणविषये दिग्गजः अर्जुनपुरस्कारविजयी बिजयकुमारसतपथि तस्य अन्तर्राष्ट्रीयक्रीडायाः दीर्घशः उज्ज्वलस्य जीवनस्य कृते लाइफटाइम अचीवमेन्टपुरस्कारेण सम्मानितः।
अस्मिन् अवसरे प्रद्युम्नमिश्रः अवदत् यद् “बीजूपटनायकक्रीडासम्माननं मम कृते गर्वगौरवयोः विषयः। एषः सम्मानः केवलं मम नास्ति, अपितु तेषां सर्वेषां क्रीडकानां, प्रशिक्षकानां प्रशासकानां च, ये खोखो–क्रीडां ओडिशाराज्ये भारतदेशे च उत्कर्षेण नीतवन्तः। अहं एतत् पुरस्कारं युवा–क्रीडकानां समर्पयामि, येषां उत्साहः परिश्रमः च अस्मान् नित्यं प्रेरयति। केकेएफ्आइ–ओडिशाखेलपरिवारयोः सहयोगेन अहं खोखो–क्रीडां केवलं राष्ट्रीयस्तरे न, अपि तु अन्तर्राष्ट्रीयस्तरे अपि नूतनशिखरं प्रति नेतुं प्रतिज्ञां करोमि।
अधिकाराधिकं दशकं यावत् प्रद्युम्नमिश्रः ओडिशाराज्ये खोखो–क्रीडायाः विकासप्रोत्साहनयोः प्रमुखः प्रभावी च व्यक्तिः आसीत्। महासचिवरूपेण तेन राष्ट्रियस्तरीयप्रतियोगितानां सफलं आयोजनं कृतम्, यस्यां पुरी–नगरे आयोजितः ५७ तमः सीनियर् नेशनल् खोखो चॅम्पियनशृंखला विशेषरूपेण स्मरणीया जाता, येन ओडिशाराज्यं पारम्परिकभारतीयक्रीडायाः केन्द्ररूपेण प्रसिद्धं जातम्। तेन युवानां कृते प्रशिक्षणशिविराणि, प्रशिक्षकानां कृते उच्चस्तरीयकार्यशालाः, खेलोइण्डियाप्रतिभापरिचयसमिति (ईस्ट् ज़ोन) इत्यत्र सेवा च कृत्वा जमीनीस्तरे खोखो–क्रीडायाः आधारं दृढीकृतम्। तस्य नेतृत्वे पुरी–नगरे खोखो–अकादमी हाई–परफॉर्मेन्स् सेंटर् च आरब्धे, भुवनेश्वरस्य कलिङ्गक्रीडाङ्गणे समर्पितं खोखो–क्रीडाङ्गणं स्थापयितुं च प्रयासः प्रचलति।
तस्य उपलब्धिं प्रति अभिनन्द्य भारतीयखोखोमहासंघस्य अध्यक्षः सुधांशुमित्तलनामकः अवदत् — “अयं सम्मानः केवलं ओडिशाराज्यस्य न, अपि तु सम्पूर्णभारतीयखोखोपारिवारिकस्य गौरवस्य क्षणः। प्रद्युम्नमिश्रस्य अथकप्रयत्नैः राज्ये क्रीडायाः दृढं आधारं स्थापितम्, तस्य नेतृत्वं राष्ट्रियस्तरे अस्मान् सततम् प्रेरयति। बीजूपटनायकक्रीडासम्मानः तस्य कार्यस्य प्रमाणम् अस्ति, च खोखो–क्रीडायाः राष्ट्रियमहत्त्वं स्वीक्रियते इत्यस्य सूचकः।
बीजूपटनायकक्रीडासम्मानः ओडिशाराज्यस्य सर्वोच्चः क्रीडासम्मानः अस्ति, यस्य अन्तर्गतं क्रीडकानाम्, प्रशिक्षकानाम्, प्रशासकानाम्, क्रीडायाः योगदानकर्तॄणां च सम्मानः क्रियते।
अन्ये अपि सम्मानिताः —पैरा–क्रीडकः रखालकुमारसेठी (श्रेष्ठपैरास्पोर्ट्सपर्सन्), शतरञ्जक्रीडकः सत्यविकस्वाइनः (उदीयमानजूनियर्–क्रीडकः),खेल–छात्रवास–वॉलीबॉल्–प्रशिक्षिका सुष्मानन्दा (प्रशिक्षण–उत्कृष्टता), बिमलकुमाररौलः (क्रीडापत्रकारितायाम् उत्कृष्टता), डॉ० सुदीपसतपथिः (श्रेष्ठतकनीकी–अधिकारी/सपोर्ट्–स्टाफ्)।बीजूपटनायकब्रेवरी–अवार्ड् अपि चित्तरण्जनप्रधान–जीवनकुमारबेहराभ्यां प्रदत्तः।
---------------
हिन्दुस्थान समाचार