- राज्यमंत्री लोधी इत्यनेन स्वीकृता मध्यप्रदेशसंस्कृतिपरिषदः समीक्षागोष्ठी

भोपालम्, 13 जनवरीमासः (हि.स.)।मध्यप्रदेशस्य संस्कृति एवं पर्यटन-राज्य-मन्त्री (स्वतंत्र-प्रभार) धर्मेन्द्रः लोधी अवदत् यत् अकादमी-कार्यक्रमेषु स्थानीय-संस्थाभिः सहयोगः अत्यावश्यकः अस्ति। कार्यक्रमाणां व्यापकं तथा समयबद्धं प्रचार-प्रसारं सुनिश्चितं कर्तव्यम्, येन समाजस्य अधिकाधिकाः जनाः एतेषु आयोजनेषु सम्मिलिताः स्युः तथा लाभान्विताः अपि भवेयुः।

राज्य-मन्त्री लोधी मङ्गलवासरे संस्कृति-भवने मध्यप्रदेश-संस्कृति-परिषदः समीक्षा-बैठकां अकरोत्। अस्याः गोष्ठयाः मुख्य-उद्देश्यं 31 मार्च 2026 पर्यन्तं आगामी-सांस्कृतिक-कार्यक्रमाणां रूपरेखा-निर्माणं तथा परिषदः गतिविधीनां अधिक-प्रभावीकरणम् आसीत्।

राज्य-मन्त्री लोधी अवदत् यत् साहित्य-प्रकाशन-कार्येषु प्राथमिकता दीयताम्। साहित्य-संस्कृतेः संरक्षणार्थं महत्त्वपूर्ण-कृतीनां तथा शोध-कार्याणां प्रकाशने विशेषः बलः दातव्यः। तेन विविध-सृजनपीठानां कार्यप्रणालीं अधिक-सुदृढां कर्तुं समिती-गठनस्य निर्देशाः अपि दत्ताः। एताः समितयः विस्तृतां कार्य-योजनां निर्मास्यन्ति, येन सृजनपीठानां भावी-दशा तथा दिशा सुनिश्चिता भविष्यति।

मन्त्री लोधी सांस्कृतिक-कार्यक्रमाणां गुणवत्ता-प्रासंगिकतायोः संरक्षणार्थं विशेष-समितेः गठनाय निर्देशान् अदात्। एषा समितिः प्रस्तावित-कार्यक्रमाणां विषय-वस्तुनः पूर्व-परीक्षणं करिष्यति। बैठकायां मन्त्रीणा खजुराहो-महोत्सवः, संस्कृति-परिषदः द्वारा क्रियमाणाः नवाचाराः, कलाकार-चयनः, माननीय-मुख्यमन्त्रिणा कृताः घोषणाः तथा रिक्त-पदानां भर्ती-विषयः अपि समीक्षिताः।

अस्मिन् अवसरे संस्कृति-संचालकः एन.पी. नामदेवः सहितः सम्बन्धिताः अधिकारीणः उपस्थिताः आसन्।

हिन्दुस्थान समाचार