Enter your Email Address to subscribe to our newsletters
डीडवाना, 13 जनवरीमासः (हि.स.)।
पूर्वमुख्यमन्त्री वसुन्धराराजे पञ्चायतराजसंस्थासु महिलानां आरक्षणविषये उद्घाटनं कुर्वती अवदत् यत् यदा तया पञ्चायतराजसंस्थासु महिलाभ्यः पञ्चाशतप्रतिशतं आरक्षणं प्रदत्तम्, तदा पुरुषैः आपत्तिः कृता यत् भवत्या महिलाभ्यः आरक्षणं दत्तं, किन्तु किं ताः घूंघटात् बहिः आगन्तुं समर्थाः भविष्यन्ति। राजे अवदत् यत् अस्य आरक्षणस्य अनन्तरं ग्रामेषु महिलाः घूंघटात् बहिः आगत्य जिलाप्रमुखप्रधानसरपञ्चादीनि पदानि कुशलतया धारितवत्यः।
सा श्रीबाङ्गड़महिलामहाविद्यालयस्य वार्षिकोत्सवे भाषणं कुर्वती आसीत्। अस्मिन् कार्यक्रमे राज्यपालः हरिभाऊबागड़े मुख्यातिथिरूपेण उपस्थितः आसीत्।
पूर्वमुख्यमन्त्री अवदत् यत् स्वातन्त्र्यकाले महिलासाक्षरता केवलं नवप्रतिशतं आसीत्, अद्य तु सा सप्ततिप्रतिशतं अभवत्, तथापि राजनीतिक्षेत्रे महिलानां पर्याप्तं प्रतिनिधित्वं न दृश्यते। सा प्रधानमन्त्री नरेन्द्रमोदिने कृतज्ञतां व्यक्तवती यः नारीशक्तिवन्दनअधिनियमं आनयत्।
तया उक्तं यत् पुरुषैः समता प्राप्तुं महिलाभिः महिलानां कृते महिलाभिः एव महिलाहकानां संरक्षणं करणीयम्। यदि प्रतिभापाटील तथा द्रौपदीमुर्मूः देशस्य सर्वोच्चपदे आरोढुं शक्नुतः, तर्हि डीडवानानगरस्य कन्यकाः किमर्थं न शक्नुवन्ति।
कार्यक्रमे पूर्वमन्त्री तथा स्थानीयविधायकः यूनुसखानः एवं राजपालशेखावतः अपि उपस्थिताः आसन्।
---------------
हिन्दुस्थान समाचार