Enter your Email Address to subscribe to our newsletters
--कार्यशालायाः तृतीये दिने समाचार लेखनस्य विभिन्न आयामेषु जातं प्रशिक्षणम्
कानपुरम्, 14 जनवरीमासः (हि.स.)। कानपुरनगरे स्थिते छत्रपति शाहू जी महाराज विश्वविद्यालयस्य पत्रकारिता एवं जनसंचार विभागे प्रवर्तमानायाः षड्दिवसीयायाः समाचारलेखनसम्पादनकार्यशालायाः तृतीये दिने (बुधवासरे) प्रथमसत्रे विभागस्य अध्यापकैः तथा मुद्रितमाध्यमविशेषज्ञैः सर्वेभ्यः प्रतिभागिभ्यः समाचारवाचनस्य लेखनस्य च तकनीकीपक्षाः सम्यक् रूपेण व्याख्याताः। महत्वपूर्णसमाचाराणां स्क्रिप्टलेखनम्, तेषां विश्लेषणम्, समाचारालेखलेखनम्, सम्पादकीयलेखनम्, फीचरलेखनं च विस्तरेण शिक्षितम्, येन सर्वे प्रतिभागिनः निष्पक्षं सटीकं च विषयवस्तुं निर्मातुं शक्नुयुः। तदनन्तरं सर्वेभ्यः प्रतिभागिभ्यः प्रशिक्षणानुसारं प्रायोगिककार्यं अपि कारितम्।
कार्यशालायाः अन्तिमसत्रे मुख्यातिथिरूपेण वरिष्ठपत्रकारः अञ्जनी निगमः उपस्थितः आसीत्। सः मुद्रितमाध्यमकार्यशालायाः आवश्यकतां विषये विस्तरेण चर्चां कृतवान्। सर्वान् छात्रच्छात्राः सम्बोधयन् सः अवदत् यत् उत्तमपत्रकारे समाचारं गन्धयितुं (सूचयितुं) क्षमता भवितव्या। पत्रकारितायाः छात्राः समाचारपरिचयस्य बोधं विकसितवन्तः स्युः। धैर्यं संवेदनशीलता च अत्यावश्यकौ स्तः। स्पॉट् रिपोर्टिंग इति एव भवतः संमर्दात्पृथक् करिष्यति। एतादृशाः कार्यशालाः विद्यार्थिनां सर्वाङ्गीणविकासे महत्त्वपूर्णां भूमिकां निर्वहन्ति।
स्वानुभवान् सहकृत्य सः छात्रेभ्यः पत्रकारितायाः परिवर्तितस्वरूपं अवगमयत् तथा सर्वेषु क्षेत्रेषु स्वं नित्यं अद्यतनं कर्तुं परामर्शं दत्तवान्। सः अवदत् यत् निरन्तरलेखनस्य समाचारपत्रपठनस्य च अभ्यासेन एव लेखने परिपक्वता जायते। यदा वयं स्वयमेव पाठकाः भवामः तदा दोषाः शीघ्रं ज्ञायन्ते। पत्रकारिताक्षेत्रे अस्माभिः आत्मानं भिन्नं कर्तव्यम्।
विभागाध्यक्षः डा दिवाकर अवस्थीः माध्यमान् सूचयन् अवदत् यत् कार्यशालायाः तृतीये दिने प्रशिक्षणकाले सर्वेभ्यः छात्रछात्राभ्यः फीचरलेखनम्, आलेखलेखनम् तथा समाचारपत्रेषु तकनीकीरूपेण प्रयुज्यमानानां केषाञ्चन सॉफ्टवेयर ज्ञानं दत्तम्।
कार्यशालाकाले पत्रकारिता एवं जनसंचार विभागस्य सहायकविभागाध्यक्षः डा ओम शंकर गुप्तः, सहाचार्यः डा योगेन्द्र पाण्डेयः, सहायकाचार्यः डा जितेन्द्र डबरालः, डा रश्मि गौतम, डा हरिओम कुमारः, सागर कनौजिया, प्रेम किशोर शुक्लः तथा विभागस्य सर्वे छात्रच्छात्राः उपस्थिताः आसन्।
---------------
हिन्दुस्थान समाचार