Enter your Email Address to subscribe to our newsletters
बलरामपुरम्, 16 जनवरीमासः (हि.स.)।
मकरसंक्रान्तिपर्वणि तातापानीक्षेत्रे आयोजितः त्रिदिवसीयः तातापानीमहोत्सवः इदानीं शिखरावस्थां प्राप्तवान् अस्ति। महोत्सवस्य द्वितीये दिने गुरुवासरे सायंकाले सम्पन्ना सांस्कृतिकप्रस्तुतिः सम्पूर्णं आयोजनं स्मरणीयं कृतवती, यदा प्रसिद्धौ बॉलीवुडगायकौ आदित्यनारायणः सना अरोड़ा च स्वस्य उत्साहपूर्णया गायनप्रस्तुत्या सहस्राणि दर्शकान् नृत्यगीताभिरुचिं कर्तुं प्रेरितवन्तौ।
उल्लेखनीयं यत् तातापानीमहोत्सवस्य द्वितीयदिवसस्य सायंकालीनसांस्कृतिककार्यक्रमे स्वरतालोत्साहयोः अद्भुतः संगमः दृष्टिगोचरः अभवत्। मञ्चे यदा आदित्यनारायणस्य सना अरोड़ायाश्च युगलं अवतरत्, तदा सम्पूर्णं जनसमूहं करतलध्वनिना उत्साहेन च प्रतिध्वनितम्। क्रमशः प्रस्तुतैः लोकप्रियैः बॉलीवुडगीतेः वातावरणं पूर्णतया संगीतमयं अभवत्।
आदित्यनारायणस्य ऊर्जस्वरा वाणी तथा मञ्चीयशैली दर्शकान् स्वासनस्थानात् उत्थाय नर्तयितुं विवशान् अकरोत्। अपरं च सना अरोड़ायाः सुसंयता गायकी मञ्चे तयोः परस्परसमन्वयश्च प्रस्तुतिं अधिकं विशेषां अकरोत्। दर्शकाः रात्रेः अन्तपर्यन्तं गीततालानुसारेण प्रमुदितमनसः नृत्यन्तः दृश्यन्ते स्म।
कलाकाराणां प्रस्तुतिकाले सुरक्षा व्यवस्थाः सुदृढतया विन्यस्ताः आसन्, येन कार्यक्रमः शान्तिपूर्णः सुव्यवस्थितश्च सम्पन्नः। पुलिसप्रशासनिककर्मिणां उपस्थित्या सम्पूर्णे आयोजनस्थले अनुशासनं सुरक्षा च अवर्तेताम्।
उल्लेखनीयं यत् त्रिदिवसीयस्य तातापानीमहोत्सवस्य भव्यं शुभारम्भं प्रथमदिने प्रदेशस्य मुख्यमन्त्री विष्णुदेवसायेन कृतम्। अस्मिन् अवसरः सः कोटिरूप्यकव्ययेन निर्मितानां विविधविकासकार्याणां लोकार्पणं शिलान्यासं च अकरोत्। तथैव मुख्यमन्त्रीकन्याविवाहयोजनान्तर्गतं द्विशतकन्याभिः सह सम्पन्ने सामूहिकविवाहकार्यक्रमे सहभागं कृत्वा नवदम्पतीभ्यः आशीर्वादं दत्तवान्।
तत्पश्चात् सायंकालीनसांस्कृतिककार्यक्रमे छत्तीसगढ़ीचित्रपटस्य सुपरस्टारः पद्मश्रीसम्मानितः विधायकः अनुजशर्मा स्वैः मधुरैः छत्तीसगढ़ीगीतैः वातावरणं रञ्जितवान्। तस्य प्रस्तुत्यां दर्शकाः दीर्घकालं यावत् प्रमुदिताः नृत्यन्तः दृश्यन्ते स्म, सम्पूर्णं महोत्सवस्थलं च छत्तीसगढ़ीयसंस्कृतेः वर्णैः रञ्जितम् अभवत्।
---------------
हिन्दुस्थान समाचार