Enter your Email Address to subscribe to our newsletters
बीकानेरम्, 16 जनवरीमासः (हि.स.)। बीकानेर पश्चिमस्य विधायकः जेठानन्द व्यासः शुक्रवासरे विधायक जनश्रवगोचरताकेन्द्रे उपवेशनंकृत्वा विभिन्नविभागानां अधिकारिणः आदेशितवान् यत् १० फेब्रुवरी दिनाङ्के आयोजिते पुष्करणा ब्राह्मण समाजस्य सामूहिकसावे ओलम्पिक सावे इत्यस्य अवसरं प्रति सर्वाः व्यवस्थाः सुनिश्चिताः क्रियन्ताम्।
विधायकः अवदत् यत् १० फेब्रुवरी दिने आयोजिते ओलम्पिक सावे सैकडशः नवयुगलाः दाम्पत्यसूत्रे बद्धाः भविष्यन्ति। अस्य कारणेन बहवः प्रवासी बीकानेरी जनाः अपि अत्र आगमिष्यन्ति। शहरी परकोटस्थस्य प्रायः प्रत्येकस्य परिवारस्य प्रत्यक्षतया अप्रत्यक्षतया च अस्मिन् आयोजने सहभागिता भविष्यति। तस्मात् कारणात् फेब्रुवरी मासस्य प्रथमसप्ताहात् आरभ्य शहरी क्षेत्रे स्वच्छता चूनेन रेखाङ्कनं सार्वजनिक प्रकाशव्यवस्था पेयजलस्य विद्युत्सप्लायस्य च व्यवस्था सुसज्जिता भवेत् इति निर्देशाः दत्ताः।
अस्य अवसरस्य समये शहरी क्षेत्रे स्वच्छताकर्म द्विषु पालिषु क्रियताम् इति अपि सः अवदत्। विद्युत्सप्लायसम्बन्धिनां कस्यापि प्रकारस्य शिकायतानां त्वरितं निस्तारणं कर्तव्यम् इति निर्देशः दत्तः। तदनन्तरं सुरक्षा व्यवस्था सुदृढा भवेत् इति आदेशः दत्तः तथा चिकित्सकीयदलस्य नियुक्तये अपि निर्देशाः प्रदत्ताः।
उपवेशने सार्वजनिक निर्माण विभागस्य अधिशाषी अभियन्ता आदेशितः यत् शहरी क्षेत्रस्य मार्गसुदृढीकरणसम्बद्धाः कार्याणि आगामी पञ्चदशदिनेषु पूर्णानि कुर्वीत। विधायकः विधानसभा क्षेत्रे पञ्चदश कोटि रूप्यकाणां व्ययेन सञ्चाल्यमानानां मार्गनिर्माणकार्याणां समीक्षा कृत्वा तान् अपि शीघ्रं पूर्णीकर्तुं निर्देशितवान्।
अस्मिन् अवसरे नगर निगमस्य बीकेसीएल जलदाय विभागस्य बीकानेर विकास प्राधिकरणस्य तथा सार्वजनिक निर्माण विभागस्य अधिकारिणः उपस्थिताः आसन्।
---------------
हिन्दुस्थान समाचार