Enter your Email Address to subscribe to our newsletters
वाराणसी, 17 जनवरीमासः (हि. स.)।उत्तरप्रदेशराज्यस्य मुद्राङ्कन्यायालयशुल्कपञ्जीकरणविभागस्य राज्यमन्त्री (स्वतन्त्रप्रभारः) रवीन्द्रजायसवालः वाराणस्यां पत्रकारान् सम्बोध्य मणिकर्णिकाघाटे स्थितस्य वृहच्छवदाहघाटस्य विषये अवदत् यत् मणिकर्णिकाघाटे पूर्वं “मणि” नामकं स्थानम् आसीत्। “मणि” इत्यस्य अर्थः यत्र जनाः उपविशन्ति स्म। वृहच्छवदाहघाटस्य जीर्णोद्धारकार्यस्य काले ठेकेदारः तां मणिं भग्नवान्। तस्मिन्नेव समये मणेः भित्तौ निर्मिता अहिल्याबाईहोल्करमहादेव्याः मूर्तिः अपि भग्ना जाता। एतत् सर्वं ठेकेदारस्य प्रमादेन जातम्। विपक्षस्य कार्यं केवलं विरोधः एव अस्ति।
मन्त्री रवीन्द्रजायसवालः अपि अवदत् यत् मणिकर्णिकायाः वृहच्छवदाहघाटे अष्टत्रिंशत् मंचाः (प्लेटफार्माः) निर्मीयन्ते, तथा शवयात्रायां सम्मिलितानां जनानां कृते प्रतीक्षाकक्षाः अपि निर्मास्यन्ते। एतत् सर्वं वाराणसीनगरे दूरदूरात् शवम् आनयन्तां जनानां सुविधार्थं क्रियते। मणिकर्णिकाघाटस्य विकासकार्याय रूपाफाउण्डेशननामकसंस्थया अष्टादशकोटिरूप्यकाणि प्रदत्तानि सन्ति। प्रशासनस्य पर्यवेक्षणे कार्यदायिसंस्थया विकासकार्यं कारयते।
सः पुनः अवदत् यत् विपक्षस्य कार्यं केवलं विरोधः एव अस्ति। अहिल्याबाईहोल्करमहादेव्याः जयन्तीभोजनं भारतीयजनतापक्षेण आरब्धम्, विपक्षीयैः कदापि सा न आचरिता। अद्य एव अहिल्याबाईहोल्करमहादेव्याः मूर्तेः भग्नत्वेन ते दुःखं दर्शयन्ति। एतदपि सूचितं यत् मूर्तेः भग्नभागः संरक्षितः कृतः अस्ति, येन अग्रे तस्याः मरम्मतं कृत्वा पुनः स्थापना कर्तुं शक्यते।
---------------
हिन्दुस्थान समाचार