Enter your Email Address to subscribe to our newsletters
-मार्ग सुरक्षा नियमानां पालनेन वाहन चालकः सम्मानितः
देहरादूनम्, 17 जनवरीमासः (हि.स.)।
पिथौरागढ़-जिलान्तर्गत गंगोलीहाट-क्षेत्रे मार्गसुरक्षा-मासस्य अन्तर्गतं परिवहनविभागेन मार्गसुरक्षा-जागरूकता-कार्यक्रमः आयोजितः। अस्य कार्यक्रमस्य मुख्योद्देश्यः मार्गसुरक्षायाः विषये जनजागरूकतां वर्धयितुं, नियमपालनशीलान् उत्तरदायी वाहनचालकान् सम्मानयित्वा तान् सकारात्मक-प्रोत्साहनं दातुं च आसीत्।
अस्मिन् अवसरें गंगोलीहाट-क्षेत्रस्य ते वाहनचालकाः सम्मानिताः ये नित्यं यातायात-नियमपालनं कुर्वन्तः सुरक्षितं वाहनचालनं च आचरन्ति। कार्यक्रमे उपस्थितः एआरटीओ (प्रवर्तन) शिवांशः काण्डपालः अवदत् यत् एकस्मिन् पक्षे नियमभङ्गकारिणां विरुद्धं निरन्तरं प्रवर्तन-कार्यवाही क्रियते, अपरस्मिन् पक्षे सदाचालकानां सम्माननाय एषा पहल तान् प्रेरयितुं प्रभाविनी भविष्यति। सः अवदत् यत् सकारात्मक-प्रोत्साहनेन चालकाः नियमपालने अधिकं सजगाः भविष्यन्ति।
एआरटीओ शिवांशः काण्डपालः चालकान् नशाद् दूरं स्थित्वा वाहनचालनाय अपीलं कृत्वा अवदत् यत् नशावस्थायां वाहनचालनं मार्गदुर्घटनानां प्रमुखं कारणं भवति। तथा च नाबालकान् बालकान् वाहनं न दातुं सः काठिन्येन अपीलं कृतवान्। सः स्पष्टं कृतवान् यत् सुरक्षित-यातायातस्य सुनिश्चित्यर्थं चालकानां विभागस्य समाजस्य च सामूहिकी जिम्मेदारी अस्ति।
कार्यक्रमस्य समये एआरटीओ वाहनचालकैः सह संवादं कृत्वा तेषां समस्याः अवगतवान् तथा तासां निराकरणाय आवश्यक-पदानि ग्रहीष्यामि इति आश्वासनं दत्तवान्। सः अवदत् यत् चालकानां सहयोगं विना सुरक्षित-यातायातस्य लक्ष्यं प्राप्तुं न शक्यते। सर्वेषां सामूहिक-प्रयत्नैः एव दुर्घटनामुक्त-पिथौरागढ़-उत्तराखण्डस्य स्वप्नं साकारं कर्तुं शक्यते। सः अपि अवदत् यत् परिवहनविभागेन आयोजितोऽयं मासः मार्गसुरक्षायाः विषये सकारात्मक-चिन्तनं तथा उत्तरदायी-वाहनचालनं प्रोत्साहयितुं महत्त्वपूर्णा पहल भविष्यति।
कार्यक्रमस्य अन्ते चालकानां मार्गसुरक्षा-पञ्चाङ्गानि, जागरूकता-पुस्तिकाः, मिष्टान्नं च वितरितम्। अस्मिन् अवसरें परिवहन-आरक्षिणी सीमा, बलदेवः महेन्द्रश्च अपि उपस्थिताः आसन्।
हिन्दुस्थान समाचार