लखनऊ, 18 जनवरीमासः (हि.स.)।उत्तर-प्रदेशस्य मुख्यमन्त्री योगी-आदित्यनाथः रविवासरे पथिकाश्रये क्लार्क अवधे आयोजितस्य यूपी-हेल्थ्-कॉन्क्लेव् इत्यस्य शुभारम्भं कृतवान्। अस्मिन् अवसरॆ उपमुख्यमन्त्री ब्रजेश-पाठकः, राज्यमन्त्री मयंकेश्वर-शरण-सिंहः, मुख्यमन्त्रिणः सलाहकारः अवनीश-अवस्थी, सौरभ-गर्गः च प्रमुखतया उपस्थिताः आसन्।

अस्मिन् अवसरे मुख्यमन्त्री अवदत्—उत्तर-प्रदेशः केवलं पञ्चविंशति-कोटि-जनसंख्यायुक्तः राज्यः न अस्ति, अपि तु अत्र स्वास्थ्य-सुविधानां उपभोगं प्रायः पञ्चत्रिंशत्-कोट्यधिकाः जनाः कुर्वन्ति। उत्तर-प्रदेश-सरकारः भारत-सरकारेण सह मिलित्वा गत-अष्ट-वर्षेषु स्वास्थ्य-व्यवस्थां सुदृढीकर्तुं निरन्तरं प्रयासं कृतवती अस्ति।

सः अवदत् यत् 2017 वर्षात् पूर्वं उत्तर-प्रदेशे केवलं 40 वैद्यकीय-महाविद्यालयाः आसन्, अद्य तु 81 वैद्यकीय-महाविद्यालयाः पूर्णतया क्रियाशीलाः सन्ति। जिला-स्तरे शताधिकाः चिकित्सालयाः सन्ति ये सरकारेण सञ्चालिताः भवन्ति। सामुदायिक-स्वास्थ्य-केन्द्राणि (सीएचसी), प्राथमिक-स्वास्थ्य-केन्द्राणि (पीएचसी) तथा हेल्थ्-वेलनेस-केन्द्राणां दीर्घा शृङ्खला अपि अस्ति। अद्य जनानां कृते स्वास्थ्य-सुविधानां उपलब्धता सुकरा अभवत्।

उत्तर-प्रदेशे पञ्च-पञ्चाशत्-कोटि-आयुष्मान्-भारत-स्वर्ण-पत्राणि (गोल्डन-कार्ड्) निर्गतानि सन्ति। मातृ-मृत्यु-दरं तथा शिशु-मृत्यु-दरं नियन्त्रयितुं, संस्थागत-प्रसवानां संख्यां च राष्ट्रिय-सरासरस्य समकक्षं नेतुं उत्तर-प्रदेशः सफलः अभवत्। डेंगू, मलेरिया तथा कालाजार-रोगाः अपि पूर्णतया नियन्त्रणाधीनाः कृताः सन्ति।------------------

हिन्दुस्थान समाचार