Enter your Email Address to subscribe to our newsletters
लखनऊ, 18 जनवरीमासः (हि.स.)।
मुख्यमंत्री योगी आदित्यनाथः रविवासरे राजधानी लखनऊ नगरे अवदत् यत् उत्तरप्रदेशः देशस्य सर्वाति महान् स्वास्थ्यसेवा-चिकित्साप्रौद्योगिकी-केन्द्रः भविष्यति। तेन उक्तं यत् प्रदेशं चिकित्साप्रौद्योगिकी, स्वास्थ्यसेवा-नवाचार तथा औषधनिर्माणस्य राष्ट्रियं वैश्विकं च केन्द्रं कर्तुं सर्वकारः पूर्णप्रतिबद्धतया अग्रे गच्छति। प्रधानमन्त्री नरेन्द्रमोदीमहोदयस्य मार्गदर्शनात् गतपौने नववर्षेषु उत्तरप्रदेशे स्वास्थ्यक्षेत्रे ऐतिहासिकः परिवर्तनः अभवत्, यस्य परिणामाः अद्य भूमौ स्पष्टतया दृश्यन्ते।
“अन्तिमपादपर्यन्तं गुणवत्तापूर्णा चिकित्सा” इति विषयकं हेल्थ कॉन्क्लेव् कार्यक्रमं सम्बोधयन् मुख्यमंत्री अवदत् यत् उत्तरप्रदेशः देशस्य सर्वाति महान् स्वास्थ्यसेवा-उपभोक्तृ-आपणरूपेण पञ्चत्रिंशत्कोट्यधिकजनानां स्वास्थ्यावश्यकतानां भारं वहति। गतपौने नववर्षेषु अत्र स्वास्थ्यक्षेत्रे सः परिवर्तनः अभवत् यस्य कल्पना पूर्वं सम्भवा नासीत्।
मुख्यमंत्री अवदत् यत् प्रधानमन्त्री जन आरोग्य योजना प्रवर्तनात् पूर्वं यदि कस्यचित् निर्धनपरिवारस्य सदस्यः गम्भीररोगेण पीडितः अभवत्, तर्हि सम्पूर्णः परिवारः भयेन आर्थिकसंकटेन च ग्रस्तः अभवत्। उपचारः अपूर्ण एव तिष्ठति स्म, यतो न सरकारीसहायः आसीत् न च संसाधनानि। अद्य उत्तरप्रदेशे पञ्चपञ्चाशत्कोटि परिवाराणां कृते आयुष्मान् गोल्डन् कार्ड् प्रदत्तानि सन्ति, येन प्रत्येकपरिवाराय पञ्चलक्षपर्यन्ता निःशुल्का स्वास्थ्यसेवा उपलभ्यते। ये पात्रपरिवाराः केनचित् कारणेन आयुष्मान् योजने न समाविष्टाः, ते मुख्यमंत्री जन आरोग्य योजनया आच्छादिताः सन्ति।
प्रौद्योगिक्या ‘ईज् आफ् लिविङ्’ अभिमुखं
मुख्यमंत्री अवदत् यत् अधुना प्रधानमन्त्री नरेन्द्रमोदीमहोदयस्य ‘ईज् आफ् लिविङ्’ दर्शनं साकारं कर्तुमेव लक्ष्यं वर्तते। तदर्थं प्रौद्योगिक्याः अधिकतमः उपयोगः आवश्यकः। रोगपरिशीलनप्रक्रिया ग्रामस्तरात् आरभ्येत, येन रोगिणः अनावश्यकतया चत्वारिंशत् पञ्चाशत् किलोमीटरपर्यन्तं गन्तुं न बाध्येरन्। स्वास्थ्य एवं कल्याण केन्द्रे एव निर्णयो भवेत् यत् रोगिणः कस्य स्तरस्य चिकित्सा अपेक्षिता अस्ति। दूरसंवादपरामर्शः, दूरचिकित्सा तथा कृत्रिमबुद्ध्याधारितं परिशीलनं च एतत् सम्भवं करोति।
चिकित्सोपकरण तथा औषधनिर्माण क्षेत्रे नवीना गति
मुख्यमंत्री योगी आदित्यनाथः अवदत् यत् यमुना प्राधिकरणक्षेत्रे चिकित्सोपकरणपार्कस्य तथा ललितपुरे बल्क ड्रग् फार्मा पार्कस्य विकासः युद्धस्तरेण क्रियते। अस्य उद्देश्यं केवलं आत्मनिर्भर भारतः न, अपि तु ‘मेक् इन् इण्डिया’ तः ‘मेक् फॉर् द वर्ल्ड्’ इति दिशि अग्रसरितुम् अस्ति। कोविड् कालेन एतत् शिक्षितं यत् संकटसमये जगत् स्वकीयं एकाधिकारं दर्शयति। अतः देशं प्रदेशं च स्वास्थ्ये चिकित्साप्रौद्योगिकीक्षेत्रे आत्मनिर्भरं भवितुम् एव आवश्यकम्।
निवेशकानां प्रति आमन्त्रणम्
मुख्यमंत्री योगी आदित्यनाथः देशविदेशीयान् निवेशकान् उद्योगजगतः च उत्तरप्रदेशे आगन्तुं आमन्त्रयन् अवदत् यत् अत्र उत्तमं आधारभूतसंरचनं, सुरक्षितं वातावरणं तथा एकखिडकी व्यवस्था उपलब्धा अस्ति। सरकारः समयबद्धस्वीकृतिं सर्वस्तरेषु सहयोगं च सुनिश्चितं करिष्यति। तेन विश्वासः व्यक्तः यत् उत्तरप्रदेशः चिकित्साप्रौद्योगिकी, स्वास्थ्यसेवा तथा औषधनिर्माणक्षेत्रे देशस्य एव न, अपि तु विश्वस्य प्रमुखं केन्द्रं भवितुं शक्नोति।
कार्यक्रमावसरे मुख्यमंत्री योगी आदित्यनाथः दूरनियन्त्रणबटनं दाबयित्वा UP IMRAS (Integrated Medical Research Application System) नामकस्य सॉफ्टवेयरस्य लोकार्पणं कृतवान्। एषः अत्याधुनिकः एकीकृतः डिजिटल् मञ्चः क्लिनिकल् ट्रायल्, औषधनिर्माण तथा चिकित्सोपकरणसम्बद्धानां अनुसंधानकार्याणां सरलतां पारदर्शितां समयबद्धतां च साधयितुं विकसितः अस्ति। अस्य सॉफ्टवेयरस्य माध्यमेन अधुना शोधकर्तारः स्वकीयाः सर्वाः अनुसंधानसम्बद्धाः आवश्यकताः, प्रस्तावान् अनुमतिं च पूर्णतया ऑनलाइन् रूपेण प्रस्तोतुं शक्नुवन्ति।
--------------
हिन्दुस्थान समाचार