Enter your Email Address to subscribe to our newsletters
महोबानगरम्, १८ जनवरीमासः (हि.स.)। उत्तर-प्रदेश-राज्यस्य महोबा-जनपद-वासिनां कृते सुखदं वार्तापत्रम् अस्ति। उत्तर-प्रदेश-सर्वकारेण बुन्देल-जनानां जल-तृष्णा-शमनार्थम् अमृत-पेयजल-२.० योजनान्तर्गतं कबरई-बन्धात् पेयजल-आपूर्तये १४५-कोटि-६०-लक्ष-५३-सहस्र-रूप्यकाणां स्वीकृतिः प्रदत्ता अस्ति। अस्य कार्यस्य कृते निविदा-प्रक्रिया अपि आरब्धा अस्ति, येन जनानां कृते शुद्ध-पेयजल-आपूर्तिः सुनिश्चित: भविष्यति।
जनपदस्य सदर-विधानसभा-क्षेत्रस्य भाजप-विधायकः पण्डित-राकेश-गोस्वामी रविवासरे अवदत् यत् तस्य अनुरोधेन नगरस्य अमृत-पेयजल-२.० योजनान्तर्गतं कबरई-बन्धात् अतिरिक्त-पेयजल-आपूर्ति-कार्यस्य सुगम-प्रभावी-क्रियान्वयनाय १४५-कोटि-६०-लक्ष-५३-सहस्र-६००-रूप्यकाणां धनराशेः स्वीकृतिः शासनात् प्राप्ता अस्ति। तदर्थं निविदा-प्रक्रिया अपि आरब्धा अस्ति।
एषा महत्वाकाङ्क्षिणी योजना महोबा-नगरस्य शेखूनगरं, नयापुरा-नैकाना, लवकुशनगर-मार्ग, फतेहपुर-बजरिया, यशोदा-नगर-प्रभृतीभि: सह अन्येषां क्षेत्राणां कृते शुद्ध-सुरक्षित-नियमित-पेयजल-आपूर्तिं सुनिश्चेतुं मील-स्तम्भरूपेण सिद्धा भविष्यति। परियोजनायाः पूर्णतया वर्षाणि यावत् प्रचलिता पेयजल-समस्यापि निवर्तयितुं शक्यते।
अनेन सह विधायकः नगर-वासिनां पक्षत: मुख्यमन्त्रिणः योगी-आदित्यनाथस्य नगर-विकास-मन्त्रिणः ए.के.-शर्मणश्च हार्दिकं धन्यवादं कृतज्ञतां च प्रकटितवान्। सः अवदत् यत् सः नगर-वासिनां कृते शुद्ध-पेयजलस्य उत्तम-सुविधानां च उपलब्धिं कर्तुं दृढसंकल्पितः अस्ति।
हिन्दुस्थान समाचार / अंशु गुप्ता