Enter your Email Address to subscribe to our newsletters
नवदिल्ली, 19 जनवरीमासः (हि.स.)।
चेतना एसआर चेरिटेबल समित्योः संयुक्ततत्त्वावधानम् आश्रित्य आयोजितस्य लाला सीताराम गोयल स्मृतिसेमिनारस्य पञ्चसप्ततितमस्य भव्यस्य आयोजनस्य अद्य रोहिणीस्थिते एकस्मिन् होटले समापनम् अभवत्। अयं सेमिनारः राष्ट्रीय स्वयंसेवक संघस्य शतवर्षीयां ऐतिहासिकां यात्रां समर्पितः आसीत्।
अस्मिन् वैचारिके राष्ट्रचिन्तनात्मके च सेमिनारे देशस्य प्रमुखाः सन्तः विचारकाः सामाजिकचिन्तकाः विद्वांसः तथा सार्वजनिकजीवनसम्बद्धाः प्रतिष्ठिताः वक्तारश्च संघस्य शताब्दी यात्रायाः विविधेषु सामाजिकेषु सांस्कृतिकेषु राष्ट्रनिर्माणसम्बद्धेषु च आयामेषु गहनं विमर्शं प्रस्तुतवन्तः।
अध्यक्षः राजेशचेतनः सर्वेषां प्रति कृतज्ञतां प्रकटयन् अवदत् यत् अयं सेमिनारः केवलं वैचारिकसंवादस्य मञ्चः नास्ति अपि तु राष्ट्रचेतनायाः सांस्कृतिकात्मबोधस्य सनातनमूल्यानां च समाजेन सह संयोजनस्य सततं साधनारूपः अस्ति।
संमेलने एतदपि विशेषतया रेखाङ्कितं यत् संघः स्वमूलविचारानुसारेण समाजस्य प्रत्येकं वर्गं सह संयोज्य राष्ट्रनिर्माणस्य प्रक्रियायै निरन्तरं दिशां गतिं च प्रदत्तवान्।
अस्यां संगोष्ठ्यां स्वामी चिदानन्द सरस्वती संघस्य उत्तरक्षेत्रस्य निवृत्तः संघचालकः डॉ बजरंगलाल गुप्तः भारतीय जनता पक्षस्य वरिष्ठः रणनीतिकारः सुनील विश्वनाथ देवधरः वरिष्ठः प्रचारकः गोपाल आर्यः पद्मश्री मालिनी अवस्थी उच्चतम न्यायालयस्य वरिष्ठः अधिवक्ता अश्वनी उपाध्यायः दिल्लीप्रान्तस्य कार्यवाहः सीए अनिल गुप्तः वरिष्ठः शल्यचिकित्सकः डॉ कौशलकान्त मिश्रः विश्वहिन्दू परिषदः राष्ट्रियः प्रवक्ता विजयशंकर तिवारी एकल अभियानतः राजेश गोयलः सेवानिवृत्तः आईपीएस जितेन्द्र गोयलः प्रोफेसर दीप्ति धर्माणी तथा राष्ट्रीय कवि संगमात् जगदीश मित्तलश्च विशेषसहभागितां कृतवन्तः।
---------------
हिन्दुस्थान समाचार