Enter your Email Address to subscribe to our newsletters
जयपुर, 19 जनवरी (हि.स.)।
अष्टसप्ततितमे सेना-दिवसे उत्कृष्टस्य सफलस्य च आयोजनस्य उपलक्ष्ये जयपुर-स्थिते सैनिक-स्थाने सप्तशक्ति-सभागारे एकः गरिमामयः सम्मान-समारोहः आयोजितः अभवत्। अस्य समारोहस्य उद्देश्यः सेना-दिवस-पदप्रयाणस्य २०२६ सुव्यवस्थिते भव्ये च अनुकरणीये च आयोजने येन केनापि प्रकारेण योगदानं कृतवन्तः सैन्य-सिविल-कर्मिणः तान् सम्मानयितुम् आसीत्।
समारोहस्य अध्यक्षता सप्तशक्ति-सेनान्यस्य सेना-नायकस्य लेफ्टिनेन्ट्-जनरल् मञ्जिन्दर्-सिंह-महोदयेन कृता। तेन सिविल-प्रशासनं पुलिस-विभागं गुप्तचर-संस्थाः सेवा-निवृत्त-सैनिकाः सप्तशक्ति-सेनान्यस्य सैन्य-कर्मिणश्च स्वसमर्पणस्य कर्तव्यनिष्ठायाश्च कारणात् सम्मानिताः। अस्मिन् अवसरे सिविल-अधिकारिणः त्रयोदश सेना-नायक-प्रशंसा-पत्राणि अष्ट सेना-नायक-प्रशस्ति-पत्राणि च प्राप्नुवन्, सैन्य-कर्मिणश्च चत्वारिंशत् सेना-नायक-प्रशंसा-पत्राणि अलभन्त। अपि च एकः वेटेरन्-अचीवर्-पुरस्कारोऽपि प्रदत्तः।
सेना-नायकः स्वीय-उद्बोधने अवदत् यत् प्रधानमन्त्रिणः दूरदर्शी-चिन्तनानुसारं राष्ट्रिय-आयोजनानि दिल्ली-नगरात् बहिः आयोजितुं पहलः क्रियते। अस्यां परम्परायां राजस्थान-प्रदेशे सेना-दिवस-परेड्-आयोजनं ऐतिहासिकम् अभवत्। तस्मै हेतवे सः रक्षामन्त्रीणं थलसेनाध्यक्षं राजस्थान-राज्यस्य मुख्यमन्त्रीणं च सहकारार्थं कृतज्ञतया स्मरति।
सः उक्तवान् यत् भारतीय-सेना केवलं सीमाः रक्षन्ती नास्ति, अपि तु सा नागरिकानामपि सेना अस्ति, अतः सेना-दिवसस्य उत्सवः जनभागितया सह आचरितव्यः। सः परिवर्तमाने भू-राजनीतिक-परिदृश्ये सैन्य-सिविल-संस्थानानां मध्ये सुदृढ-समन्वयस्य आवश्यकतां विशेषतया निरूपितवान्।
जयपुरे आयोजिता सेना-दिवस-परेड् “भारतीय-सेना शौर्यस्य बलिदानस्य च परम्परा” इति विषयाधिष्ठिता आसीत्, यस्यां परिवर्तन-दशकः प्रौद्योगिकी-आत्मसातीकरण-वर्षम् राष्ट्र-निर्माणे पूर्व-सैनिकानां भूमिका ऑपरेशन-सिन्दूर इत्यादयः विषयाः प्रभावशाल्या रीत्या प्रदर्शिताः।
अस्मिन् अवसरे रक्तदान-चिकित्सा-शिबिराणि सायकल्-यात्रा आपनी-सेनां-जानिये-प्रदर्शनी सेना-दिवस-परेड् भव्य-शौर्य-सन्ध्या च आयोजिताः। एतानि आयोजनानि प्रत्यक्षतया पञ्चदशलक्षाधिकैः जनैः दृष्टानि, डिजिटल्-माध्यमैः सामाजिक-सञ्जालैश्च कोटिशः नागरिकान् प्रति तेषां पहुँचः अभवत्। राज्यस्य द्वादश-सहस्राधिकासु ग्राम-पञ्चायतेषु डिजिटल्-प्रदर्शनैः कार्यक्रमाणां प्रसारणम् अकरोत्।
अष्टसप्ततितमं सेना-दिवस-पदप्रयाणं देशव्यापिनां राष्ट्रवाद-देशभक्ति-भावनानाम् अधिकं सुदृढीकरणम् अकरोत्।
---------------
हिन्दुस्थान समाचार