Enter your Email Address to subscribe to our newsletters
मुम्बईनगरम्, १९ जनवरीमासः (हि.स.)। अस्मिन् वर्षे माघी-गणेश-जयन्ती-अवसरे महाराष्ट्र-राज्यस्य सर्वाति-विशालः माघी-गणेशोत्सवः ठाणे-नगरे पञ्चपाखडी-प्रदेशे वन्दे-मातरम्-सङ्घेन आयोजितः भवति। आयोजकैः उक्तं यत् अयं उत्सवः ठाणे-नगरस्य ऐतिहासिक-सांस्कृतिक-कीर्तिम् अधिकं वर्धयति। अयं भव्यः गणेशोत्सवः गुरुवासरात् (२२ जनवरी) आरभ्य बुधवासरपर्यन्तं (२८ जनवरी) आचर्यते।अस्मिन् वर्षे पुण्यश्लोका-अहिल्यादेवीहोल्करमहाराज्ञ्याः त्रिशताब्दी-जयन्त्युपलक्ष्ये मध्यप्रदेशे माहेश्वरी-घट्टे स्थितस्य अहिल्यादेवी-निर्मित-प्राचीन-गणेश-मन्दिरस्य भव्य-दृश्य-प्रतिरूपं निर्मितम् अस्ति। अद्य ठाणे-नगरे उत्सव-समन्वयकः सन्दीप-लेले अवदत् यत् एतम् उत्सवं चतुर्थं वर्षं प्रचलति, तथा उत्सव-काले प्रतिदिनं विविधाः सांस्कृतिक-कार्यक्रमाः, व्याख्यानानि, भजनानि, साक्षात्काराः च आयोज्यन्ते।
माघी-गणेशोत्सवावसरे पञ्चपाखडी-प्रदेशे कचहरी-सरोवर-समीपे परमार्थ-निकेतन-चतुष्पथे आकर्षक-विद्युत्-प्रकाश-व्यवस्थायां माहेश्वरी-घट्ट-स्थित-श्री-गणेश-मन्दिरस्य भव्य-प्रतिमा स्थापिता अस्ति।
अस्मिन् उत्सवे मुख्यमन्त्री देवेंद्र-फडणवीसः, उपमुख्यमन्त्री एकनाथ-शिन्दे, भाजपा-प्रदेशाध्यक्षः ए.रवीन्द्र-चव्हाणः, मन्त्री आशीष-शेलारः, मन्त्री प्रताप-सरनाईकः, विधायकः संजय-केलकरः, विधायकः निरञ्जन-डावखरे इत्यादयः राजनैतिक-नेतारः, सामाजिक-कार्यकर्तारः, उद्योगिनः, कलाकाराश्च आगमिष्यन्ति। २२ जनवरीतः २८ जनवरीपर्यन्तं ज्ञान-प्रसारः, सूचना-कार्यक्रमाः, मनोरञ्जनम्, बोध-प्रबोधनं च भविष्यति। प्रतिदिनं सायंकाले भजन-कीर्तन-कार्यक्रमाः आयोजयिष्यन्ते।
बुधवासरे (२१ जनवरी) श्री-गणेशस्य आगमनं भविष्यति। गुरुवासरे (२२ जनवरी) प्रातः ९ वादने औपचारिक-स्थापना अनन्तरं महिलाभिः सामूहिक-अर्थशीर्ष-पाठः भविष्यति। रात्रौ ८ वादने ट्रम्प-कार्ड-प्रोडक्शन-निर्मितं गन्धार-प्रस्तुतं “गीत-गजानन” नामकं संगीतमय: पाठ्य-कार्यक्रम: भविष्यति। शुक्रवासरे (२३ जनवरी) रात्रौ ८ वादने आमोद-रिसबुड: “गणेशस्य रूपं स्वरूपं च” इति विषयं प्रस्तोष्यति। शनिवासरे (२४ जनवरी) “माघ-मन्दार” कार्यक्रमे प्रो.प्रज्ञा-पण्डिता, मनीष-पण्डितः, प्रो.सन्तोष-राणे, वरिष्ठ-अभिनेता-वक्ता जयन्त-ओकः च भागं ग्रहीष्यन्ति।
रविवासरे (२५ जनवरी) “वर्धमानः डॉलरः, पतनशीलं रूप्यकम् — किमस्य रहस्यम्?” इति व्याख्यानं भविष्यति। सोमवासरे (२६ जनवरी) वरिष्ठ-अधिवक्ता उदय-वरुणजीकरः “गणराज्यं संविधानं च” इति विषयं विवेचयिष्यति।
मङ्गलवासरे (२७ जनवरी) कीर्तनकारः दिलीप-नामजोशी “लोकमान्य-तिलकः तथा गणेशोत्सवः” इति विषयं कीर्तनरूपेण प्रस्तोष्यति। २२ जनवरीतः २७ जनवरीपर्यन्तं प्रतिदिनं प्रातः १० वादनतः सायं ४ वादनपर्यन्तं स्वास्थ्य-शिविरम् आयोजयिष्यते। २८ जनवरी सायंकाले महा-आरोग्य-शिविरम् अपि भविष्यति।
हिन्दुस्थान समाचार / Dheeraj Maithani